ᐊᓯᐊᙳᕐᓂᐅᔪᑦ ᓂᕈᐊᖅᑎᑦᑎᓂᕐᒧᑦ ᐅᐸᓗᐊᓂᕐᒥᑦ ᓄᕙᒡᔪᐊᕐᓇᕐᒥᑦ ᓄᖅᑲᖓᑎᑦᑎᑐᐃᓐᓇᕆᐊᖃᖅᑐᑦ ᐃᓚᖏᓐᓂᑦ ᓂᕈᐊᖅᑎᑦᑎᓂᕐᒥᑦ, ᐊᒻᒪᓗ ᓂᕈᐊᕐᓂᕐᒥᑦ, ᓈᓴᐃᓂᕐᒥᑦ ᐊᒻᒪᓗ ᖃᓄᐃᖓᓂᐅᔪᓂᒃ ᐅᓂᑉᑳᐅᓯᕐᓂᕐᒧᑦ ᑭᒡᓕᒋᔭᐅᔪᓂᑦ ᐅᖓᓯᒃᓯᒋᐊᖅᑕᐅᑐᐃᓐᓇᕆᐊᖃᖅᑐᑦ.
ᐱᓕᕆᖃᑎᒋᔭᕗᑦ ᐊᖓᔪᖅᑳᖅ ᐃᓄᓗᒃᑖᓂᒃ ᐋᓐᓂᐊᖃᖅᑕᐃᓕᒪᔪᓕᕆᔨ ᓄᓇᓕᕗᑦ ᐃᓚᐅᖃᑕᐅᔪᖕᓇᕐᓂᐊᕐᓗᑎᒃ ᒐᕙᒪᖃᕐᓂᕗᑦ ᐅᓗᕆᐊᓇᖅᑐᖃᙱᑦᑐᒦᒻᒫᕐᓗᑕ.
ᒪᓕᒃᑕᐅᔪᕆᐊᓕᕈᑎᕗᑦ
- ᐃᓅᖃᑎᒌᑦᓯᐊᕐᓂᖅ: ᐅᓗᕆᐊᓇᖅᑐᖃᙱᑎᓪᓗᒋᑦ ᓂᕈᐊᖅᑏᑦ, ᓂᕈᐊᒐᒃᓴᐃᑦ, ᓂᕈᐊᖅᑐᓕᕆᓂᕐᒧᑦ ᐱᓕᕆᔩᑦ ᐊᒻᒪᓗ ᓄᓇᓖᑦ ᓯᕗᓪᓕᖅᐸᐅᑎᔭᕗᑦ.
- ᐋᔩᖃᑎᒌᓐᓂᖅ: ᐱᓕᕆᖃᑎᒋᓂᐊᖅᑕᕗᑦ ᓄᓇᓖᑦ, ᓂᕈᐊᒐᒃᓴᐃᑦ, ᓂᕈᐊᖅᑏᑦ ᐊᒻᒪᓗ ᐊᖓᔪᖅᑳᖅ ᐃᓄᓗᒃᑖᓂᒃ ᐋᓐᓂᐊᖃᖅᑕᐃᓕᒪᔪᓕᕆᔨ ᓂᕈᐊᖅᑎᑦᑎᓂᕐᒧᑦ ᐅᑉᓗᕐᓂᑦ.
- ᐃᑲᔪᖅᑎᒌᓐᓂᖅ: ᖃᓄᐃᓕᐅᕐᓂᐅᔪᑦ ᓂᕈᐊᖅᑎᑦᑎᓂᕐᒧᑦ ᐅᑉᓗᕆᔭᐅᔪᓂᑦ ᒪᓕᖕᓂᐊᖅᑐᒍᑦ ᖃᓄᐃᓕᐅᖁᔨᓂᖏᓐᓂᑦ ᐊᖓᔪᖅᑳᖅ ᐃᓄᓗᒃᑖᓂᒃ ᐋᓐᓂᐊᖃᖅᑕᐃᓕᒪᔪᓕᕆᔨᐅᑉ.
- ᖃᓄᖅᑑᕆᓂᖅ: ᐊᑐᓕᖅᑎᑦᑎᓂᐊᖅᑐᒍᑦ ᐱᓕᕆᐊᕆᓗᒋᑦ ᐊᒃᓱᕈᕐᓇᖅᑐᐃᑦ ᓴᖅᑭᑦᑕᕌᖓᑕ, ᐃᓗᐃᑦᑑᑦᑎᐊᖅᑎᓪᓗᒍ ᓂᕈᐊᖅᑎᑦᑎᓂᖅ ᐊᒻᒪᓗ ᓇᓗᙱᓐᓂᖃᖅᑎᓪᓗᒋᑦ ᓄᓇᕗᒻᒥᐅᑕᐃᑦ.
ᖃᓄᐃᓕᐅᕐᓂᕗᑦ ᐅᓗᕆᐊᓇᖅᑐᒦᑎᓐᓂᐊᖏᓪᓗᒋᑦ
- ᒪᓕᒐᐃᑦ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᕐᒥᑦ ᑐᓂᓯᔪᑦ ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᓐᓂᑦ ᐊᑐᕈᖕᓇᕐᓂᐊᖅᑕᖓᓂᑦ ᒥᐊᓂᕆᓂᐊᕐᓗᒋᑦ ᐋᓐᓂᐊᖃᖅᑕᐃᓕᒪᓂᖏᑦ ᐊᒻᒪᓗ ᐅᓗᕆᐊᓇᖅᑐᒦᙱᓪᓗᑎᒃ ᓄᓇᓕᕗᑦ ᓂᕈᐊᖅᑎᑦᑎᓂᕐᒥᑦ.
- ᖃᕆᑕᐅᔭᒃᑯᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᕐᓂᐊᕐᓗᑎᒃ ᐊᑎᓕᐅᕈᖕᓇᖅᑐᑦ ᐅᕙᓂ.
- ᓂᕈᐊᒐᒃᓴᐃᑦ ᖃᕆᑕᐅᔭᒃᑯᑦ ᓂᕈᐊᒐᒃᓴᓄᑦ ᑐᕌᖓᔪᒥᑦ ᐱᖃᖅᑎᑕᐅᔪᑦ.
- ᓂᕈᐊᖅᑐᓕᕆᔨᕗᑦ ᐅᓗᕆᐊᓇᖅᑐᖃᙱᑦᑐᒃᑯᑦ ᐅᕐᓂᒍᑎᔪᖕᓇᖅᑐᒃᑯᑦ ᓂᕈᐊᖅᑎᑦᑎᔪᖕᓇᕐᓂᐊᖅᑐᑦ ᐋᓐᓂᐊᖅᑖᖅᓴᕋᐃᓛᖑᔪᑉᑎᖕᓄᑦ.
- ᓂᕈᐊᖅᑏᑦ ᑮᓇᒧᑦ ᒪᑐᐊᖅᓯᒪᔭᕆᐊᖃᖅᑐᑦ ᓂᕈᐊᕆᐊᖅᑐᕈᑎᒃ. ᓇᖕᒥᓂᖅ ᑮᓇᕐᓄᑦ ᒪᑐᒥᒃ ᓇᒃᓴᕈᖕᓇᖅᑐᑎᑦ, ᐅᕝᕙᓘᓐᓃᑦ ᐱᖃᙱᒃᑯᕕᑦ ᑐᓂᔭᐅᓂᐊᖅᑐᑎᑦ.
- ᐊᑐᐅᓰᕐᓗᑎᒃ ᐊᑐᖅᑕᐅᔭᕆᐊᓕᖕᓂᑦ ᑎᑎᕋᐅᑎᖃᖅᑎᑦᑎᓂᐊᖅᑐᒍᑦ.
- ᓴᓗᒻᒪᖅᓴᐃᕝᕕᖃᕐᓂᐊᖅᑐᒍᑦ ᓂᕈᐊᖅᑎᓄᑦ ᓂᕈᐊᕆᐊᖅᑐᕐᕕᓗᒃᑖᓂᑦ.
- ᓴᓗᒻᒪᖅᓴᖃᑦᑕᕐᓂᐊᖅᑕᕗᑦ ᓂᕈᐊᕆᐊᖅᑐᕐᕕᐅᔪᑦ.
- ᐃᓄᓗᒃᑖᑦ ᐅᖓᓯᒌᒃᑎᓐᓂᐊᖅᑕᕗᑦ.
- ᒥᐊᓂᖅᓯᓂᕐᒧᑦ ᐊᕙᓗᓂᒃ ᐱᑕᖃᕐᓂᐊᖅᑐᖅ ᐊᕕᒃᓯᒪᓂᐊᕐᓗᒋᑦ ᓂᕈᐊᖅᑏᑦ ᓂᕈᐊᖅᑐᓕᕆᓂᕐᒧᑦ ᐱᓕᕆᔨᓂᑦ.
ᖃᓄᖅ ᑐᑭᖃᕐᓂᖓ ᓂᕈᐊᒐᒃᓴᓄᑦ
- ᓂᕈᐊᒐᒃᓴᙳᕈᒪᔾᔪᑎᓕᕆᓂᖅ ᐊᓯᐊᙳᑐᐃᓐᓇᕆᐊᖃᖅᑐᖅ ᒥᒃᖠᒋᐊᖅᑎᓐᓂᐊᕐᓗᒋᑦ ᑕᒡᕙᐅᖃᑎᒌᒡᓗᑎᒃ ᐱᓕᕆᖃᑎᒌᖕᓂᖅ ᓂᕈᐊᖅᑐᓕᕆᓂᕐᒧᑦ ᐱᓕᕆᔨᓂᒃ.
- ᐃᓚᖏᓐᓂᑦ ᑭᒡᓕᐅᔪᓂᒃ ᐋᖅᑭᒃᓯᑐᐃᓐᓇᕆᐊᖃᖅᑐᑦ ᐃᓄᐃᑦ ᐱᔫᒥᓵᕆᔪᓄᑦ ᒥᒃᖠᒋᐊᕐᓂᐊᕐᓗᒋᑦ ᓄᕙᒡᔪᐊᕐᓇᖅᑖᕈᖕᓇᕐᓂᖅ.
- ᐱᔫᒥᓵᕆᓂᖅ ᐃᓐᓇᕆᔭᐅᔪᑦ ᐊᖏᕐᕋᕆᔭᐅᔪᓂᑦ, ᑲᒪᔭᐅᕝᕕᖕᓂᑦ ᐅᕝᕙᓘᓐᓃᑦ ᕿᒫᕝᕕᖕᓂᑦ ᐊᔪᖅᑎᑕᐅᔪᑦ ᒥᐊᓂᕆᓂᐊᕐᓗᒋᑦ ᐋᓐᓂᐊᖅᑖᖅᓴᕋᐃᓛᖑᔪᑦ.
- ᑭᒡᓕᖃᖅᑎᑦᑎᓂᕐᓂᒃ ᐋᖅᑭᒃᓯᑐᐃᓐᓇᕆᐊᖃᖅᑐᑦ ᑕᒡᕙᐅᖃᑎᒋᓗᒋᑦ ᖃᐅᔨᓴᐃᓂᕐᒥᑦ ᓂᕈᐊᖅᑐᓂᒃ ᐅᕝᕙᓘᓐᓃᑦ ᓈᓴᐃᖃᑕᐅᓂᖏᑦ ᓂᕈᐊᒐᒃᓴᐃᑦ ᑭᒡᒐᖅᑐᖅᑎᖏᓪᓘᓐᓃᑦ.
- ᓂᕈᐊᕈᖕᓇᕐᓃᑦ ᐊᖏᒡᓕᒋᐊᖅᑕᐅᑐᐃᓐᓇᕆᐊᖃᖅᑐᑦ ᑕᒡᕙᑲᐅᑎᒋ ᖃᐅᔨᖅᑲᐃᓂᒃᑯᑦ. ᐃᓚᐅᔪᖕᓇᖅᑐᑦ ᐊᒥᓱᙳᕆᐊᕐᓗᒋᑦ ᓂᕈᐊᕈᖕᓇᕐᓂᕐᒧᑦ ᐅᑉᓗᐃᑦ ᓂᕈᐊᖅᐸᒌᕐᓇᐃᑦ ᐅᑉᓗᖏᓐᓂᑦ, ᐅᕝᕙᓘᓐᓃᑦ ᑎᑎᖅᑲᑎᒍᑦ ᓂᕈᐊᕈᑏᑦ ᐊᑯᓂᐅᓂᖅᓴᐅᓕᖅᑎᓪᓗᒋᑦ ᑎᑎᕋᕐᕕᖕᒦᑦᑕᕆᐊᖃᕐᓂᖏᑦ.
- ᓄᖅᑲᖓᑎᑦᑎᓃᑦ ᐅᓂᑉᑳᐅᓯᐅᕐᓂᕐᒧᑦ ᓂᕈᐊᖅᑎᑦᑎᓂᕐᒥᑦ ᖃᓄᐃᖓᓂᐅᔪᓄᑦ ᐱᔾᔪᑎᒋᑉᓗᒋᑦ ᐅᓗᕆᐊᓇᖅᑐᖃᙱᑎᑦᑎᓂᕐᒧᑦ ᐱᓕᕆᐊᖑᔪᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓄᑦ.
ᑕᒪᓐᓇ ᖃᓄᖅ ᑐᑭᖃᕈᖕᓇᕐᓂᖓ ᓂᕈᐊᖅᑎᓄᑦ
- ᓂᕈᐊᖅᑏᑦ ᓂᕈᐊᖁᔭᐅᔪᑦ ᓂᕈᐊᖅᐸᒌᕐᓇᕐᓂᑦ.
- ᓂᕈᐊᖅᑏᑦ ᐃᖢᐊᖅᓴᕐᓂᖅᓴᐅᑐᐃᓐᓇᕆᐊᖃᖅᑐᑦ ᓂᕈᐊᕈᖕᓇᕐᓗᑎᒃ ᑎᑎᖅᑲᑎᒎᕆᐊᓕᒃᑯᑦ ᓂᕈᐊᕆᐊᖅᑐᕐᕕᖕᒧᙵᐅᔭᕆᐊᖃᕐᓂᕐᒥᐅᖓᓂᑦ.
- ᓂᕈᐊᖅᑏᑦ ᓂᕈᐊᒐᒃᓴᐅᔪᓂᒃ ᑕᑯᓂᖅ ᐊᔪᕐᓂᖅᓴᐅᓂᐊᖅᑐᒃᓴᐅᔪᑦ.
- ᓂᕈᐊᖅᑏᑦ ᐃᖦᖢᕐᕆᙱᑦᑐᑦ ᐅᕝᕙᓘᓐᓃᑦ ᐃᓄᑑᕝᕕᖕᒦᑦᑐᑦ ᓂᕈᐊᖁᔭᐅᔪᑦ ᐊᑐᕐᓗᑎᒃ ᑎᑎᖅᑲᑎᒎᕆᐊᓕᖕᓂᑦ ᓂᕈᐊᕈᑎᓂᑦ.
