ᓄᓇᕗᒻᒥ ᑭᑐᓗᒃᑖᓂᒃ ᓂᕈᐊᕐᒃᑎᑦᑎᓂᕐᒃᑕᖃᓲᕐᒃ
ᓄᓇᕗᒻᒥ ᑭᑐᓗᒃᑖᓂᒃ ᓂᕈᐊᕐᒃᑎᑦᑎᓂᕐᒃᑕᖃᓲᕐᒃ ᓄᓇᕗᒻᒥᐅᓗᒃᑖᑦ ᓂᕈᐊᕆᐊᖃᕌᖓᑕ ᒪᓕᒐᓕᐅᕐᒃᑎᐅᓂᐊᕐᒃᑐᓂᒃ ᓄᓇᕗᑦ ᒪᓕᒐᓕᐅᕐᕕᖓᓐᓄᑦ. ᒪᓕᒐᓕᐅᕐᒃᑏᑦ ᓄᓇᕗᑦ ᒐᕙᒪᖓᓐᓂᑦ ᐱᙳᕐᒃᑎᑦᑎᖃᑦᑕᕐᒃᑐᑦ ᐊᒻᒪᓗ ᐱᖁᔭᓕᐅᕐᒃᐸᒃᖢᑎᒃ. ᑭᑐᓗᒃᑖᓂᒃ ᓂᕈᐊᕐᒃᑎᑦᑎᓂᖃᖃᑦᑕᕐᒃᑐᒍᑦ ᐅᑭᐅᑦ ᓯᑕᒪ ᐊᓂᒍᕌᖓᑕ ᓂᕈᐊᕐᓂᐊᕐᒃᖢᑕ ᒪᓕᒐᓕᐅᕐᒃᑎᒥᒃ ᐊᑐᓂ ᑭᒡᒐᕐᒃᑐᕐᒃᑕᐅᕝᕕᖕᓄᑦ. ᑕᒪᓗᒃᑖᖅ ᓄᓇᕗᒻᒥᐅᑦ ᓂᕈᐊᕐᒃᑏᑦ ᓂᕈᐊᖃᑕᐅᓂᕐᒃ ᐊᔪᖏᑦᑐᑦ ᓂᕈᐊᕈᖕᓇᕐᒃᑐᑦ ᑭᑐᓗᒃᑖᓂᒃ ᓂᕈᐊᕐᒃᑎᑦᑎᓂᐅᔪᒥᑦ.
ᓄᓇᕗᒻᒥ ᑕᒪᐅᓇᒥᐊᕐᒃ ᓂᕈᐊᕐᒃᑎᑦᑎᓂᕐᒃ
ᓄᓇᕗᒻᒥ ᑕᒪᐅᓇᒥᐊᕐᒃ ᓂᕈᐊᕐᒃᑎᑦᑎᓂᖃᓲᕐᒃ ᓂᕈᐊᖃᑕᐅᓂᖅ ᐊᔪᙱᑦᑐᑦ ᐊᑕᐅᓯᕐᒥᒃ ᑭᒡᒐᖅᑐᖅᑕᐅᕝᕕᖕᒥᑦ ᓂᕈᐊᕌᖓᑕ ᒪᓕᒐᓕᐅᕐᒃᑎᒥᒃ. ᑕᐃᒪᓐᓇᐃᖃᑦᑕᖅᑐᖅ ᒪᓕᒐᓕᐅᖅᑎᒥᒃ ᐱᓕᕆᐊᒥᓂᒃ ᓄᖃᕐᒃᑐᖃᕐᒃᐸᑦ ᑭᖑᓪᓕᕐᒥᑦ ᓄᓇᕗᒻᒥ ᑭᑐᓗᒃᑖᓂᒃ ᓂᕈᐊᕐᒃᑎᑦᑎᓂᕐᒃᑕᖃᕐᓂᐊᓵᕐᒃᑎᓪᓗᒍ. ᓂᕈᐊᕐᒃᑏᑦ ᑭᒡᒐᕐᒃᑐᕐᒃᑕᐅᕕᖕᒥᐅᑕᐅᔪᑦ ᓂᕈᐊᖃᑦᑕᕐᒃᑐᑦ ᓄᑖᒥᒃ ᒪᓕᒐᓕᐅᕐᒃᑎᐅᓂᐊᕐᒃᑐᒥᒃ ᑕᐃᑲᓂ ᑭᒡᒐᕐᒃᑐᕐᒃᑕᐅᕝᕕᖕᒥᑦ. ᓂᕈᐊᕐᒃᑏᑦ ᑭᒡᒐᕐᒃᑐᕐᒃᑕᐅᕝᕕᖕᒥᐅᑕᐅᔪᑦ ᑭᓯᒥ ᓂᕈᐊᖃᑦᑕᕐᒃᑐᑦ ᑕᒪᐅᓇᒥᐊᕐᒃ ᓂᕈᐊᕐᒃᑎᑦᑎᓂᐅᔪᒥᑦ.
