ᖃᕆᑕᐅᔭᒃᑯᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᕐᓂᖅ

ᑖᒻᓇ ᐊᑐᕈᖕᓇᖅᑕᐃᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᕐᓂᐊᕐᓗᑎᑦ ᓄᓇᕗᒻᒥᑦ ᐅᕝᕙᓘᓐᓃᑦ ᓄᑖᙳᖅᑎᕐᓗᒋᑦ ᓂᕈᐊᕈᖕᓇᖅᑐᑦ ᐊᑎᖏᓐᓃᕌᓂᒃᑯᕕᑦ.

ᑲᔪᓯᒋᐊᕐᓂᐊᓵᖅᑎᓪᓗᑎᑦ ᒥᐊᓂᖅᓯᔪᖅ ᓂᕈᐊᖅᑎᐅᑉ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᕐᕕᖓᓄᑦ, ᐅᑯᐊ ᖃᐅᔨᒪᔭᕆᐊᖃᖅᑕᑎᑦ:

1. ᐃᓕᔭᐅᓂᐊᕐᓗᑎᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᑦ,  ᓂᕈᐊᕐᓇᐅᑉ ᐅᑉᓗᖓᓂᑦ 18-ᓂᒃ ᑐᖔᓂᐅᖏᑦᑐᖅ ᐅᑭᐅᖃᕆᐊᖃᖅᑐᑎᑦ, ᑲᓇᑕᒥᐅᑕᐅᓗᑎᑦ, ᐊᒻᒪᓗ ᓄᓇᕗᒻᒥᐅᑕᐅᓗᑎᑦ 12 ᑕᖅᑭᑦ ᑐᖔᓂᐅᖏᑦᑐᖅ ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᒍᑦ.
2. ᑕᑯᓂᐊᕐᓗᒍ ᐊᑎᓕᐅᖅᓯᒪᓃᑦ ᐅᕝᕙᓘᓐᓃᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᕐᓂᐊᕐᓗᑎᑦ: ᑐᓂᔭᕆᐊᖃᑕᐃᑦ ᒪᓕᒐᒃᑯᑦ ᐊᑏᑦ, (ᑐᒡᓕᐅᔪᖅ ᐊᑏᑦ ᐊᑐᖃᑦᑕᕋᓗᐊᕈᖕᓂᓘᓐᓃᑦ ᒪᓕᒐᑎᒍᑦ ᓯᕗᓪᓕᖅ ᐊᑏᑦ ᐊᑐᕆᐊᖃᖅᑕᐃᑦ ᑕᑯᒃᓴᐅᓂᖓᑐᑦ ᒐᕙᒪᒃᑯᓐᓂᑦ ᓇᓗᓇᐃᒃᑯᑕᕐᓂᑦ ᐅᕝᕙᓘᓐᓃᑦ ᑲᓇᑕᐅᑉ ᓯᓚᑖᓄᑦ ᐊᐅᓪᓚᕈᖕᓇᐅᑏᑦ), ᒫᓐᓇᐅᔪᖅ ᐅᕙᒍᕕᑦ ᑐᕌᕈᑖ (ᑖᒻᓇ ᐃᒡᓗᒋᔭᐃᑦ ᐅᕝᕙᓘᓐᓃᑦ ᑲᑎᕐᒪᔪᓂᑦ ᐃᒡᓗᕕᑦ ᑐᕌᕈᑖ, ᑎᑎᖅᑲᑎᒍᑦ ᑐᕌᕈᑎᐅᖏᑦᑐᖅ) ᐊᒻᒪᓗ ᐃᓅᓕᕐᕕᒃᐱᑦ ᐅᑉᓗᖓ.  ᓅᓚᐅᕈᕕᑦ, ᐊᓯᐊᙳᓚᐅᖅᐸᑦ ᐊᑏᑦ, ᐅᕝᕙᓘᓐᓃᑦ ᐋᖅᑭᒋᐊᕆᐊᖃᕈᖕᓂ ᐅᕙᒍᕕᑦ ᑐᕌᕈᑕ (ᐊᖏᕐᕋᕆᓗᐊᖅᑕᐃᑦ) ᓂᕈᐊᕈᖕᓇᖅᑐᑦ ᐊᑎᖏᓐᓄᑦ ᑲᔪᓯᓗᑎᑦ.
3. ᓄᑖᙳᖅᑎᕆᓂᖅ ᑐᑭᓯᐅᒪᔾᔪᑎᖕᓂᑦ, ᓇᓗᓇᐃᕌᓂᒃᑯᖕᓂ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᕋᕕᑦ ᓄᑖᙳᖅᑎᕈᖕᓇᕐᓂᐊᖅᑕᑎᑦ ᑐᑭᓯᐅᒪᔾᔪᑎᑎᑦ, ᐃᓚᐅᔪᑦ ᑐᕌᕈᑏᑦ ᐊᓯᖏᓪᓗ ᐊᓯᐊᙳᖅᑎᖅᑕᑎᑦ.
4. ᓇᓗᓇᐃᒃᑯᑎᖃᕆᐊᖃᖅᑐᑦ ᐊᑎᓕᐅᕐᓂᐊᕐᓗᓂ ᓂᕆᐊᕈᖕᓇᖅᑐᑦ ᐊᑎᖏᓐᓄᑦ ᐅᕝᕙᓘᓐᓃᑦ ᓄᑖᙳᖅᑎᕐᓂᐊᕐᓗᒋᑦ ᑐᑭᓯᐅᒪᔾᔪᑎᑎᑦ
   ᐊᑎᓕᐅᕐᓂᐊᕐᓗᑎᑦ ᓂᕈᐊᖃᑕᐅᔪᖕᓇᕐᓂᐊᕋᕕᑦ, ᑐᓂᓯᔭᕆᐊᖃᖅᑐᑎᑦ ᓇᓗᓇᐃᒃᑯᑎᖕᓂᑦ ᑕᑯᒃᓴᐅᓗᑎᒃ ᐊᑏᑦ, ᒫᓐᓇᐅᔪᖅ ᑐᕌᕈᑏᑦ, ᐊᒻᒪᓗ ᐊᑎᓕᐅᖅᓯᒪᓗᒍ.  ᐃᓕᑦᑎᔪᖕᓇᖅᑐᑎᑦ ᐊᔾᔨᒌᙱᑦᑐᓂᒃ ᐱᔭᐅᔪᖕᓇᖅᑐᓂᒃ ᓇᓗᓇᐃᒃᑯᑕᓂᒃ ᐅᕙᓂ.

ᓂᕈᐊᖅᑏᑦ ᓂᕈᐊᕈᖕᓇᖅᑐᑦ ᐊᑎᓕᐅᕐᕕᖓᓐᓄᐊᕐᓗᑎᑦ

ᑐᑭᓯᐅᒪᔾᔪᑎᑎᑦ ᓇᓗᓇᐃᖅᑕᐅᒃᐸᑕ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓂᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᖅᑕᐅᓂᐊᖅᑐᑎᑦ.  ᖃᓄᐃᓕᕐᒪᖔᑦ ᐊᑎᓕᐅᕐᓂᕆᓚᐅᖅᑕᐃᑦ ᖃᐅᔨᒋᐊᕈᖕᓇᖅᑕᐃᑦ ᖃᕆᑕᐅᔭᒃᑯᑦ ᐱᐊᓂᒃᑕᐅᔫᔭᖅᐸᑦ.  ᒫᓐᓇᐅᔪᖅ ᐃᓕᖕᓄᑦ ᓇᓗᓇᐃᒃᑯᑏᑦ ᑕᑯᒃᓴᐅᓂᐊᖅᐳᑦ ᓄᑖᖅ ᐊᖏᕐᕋᖕᓄᑦ ᓇᓗᓇᐃᕐᓂᐊᕐᓗᒍ ᐊᓯᐊᙳᕐᓂᖓ ᑐᕌᕈᑎᕕᑦ ᐊᒻᒪᓗ ᐊᑎᕐᓄᑦ ᐊᓯᐊᙳᕐᓂᐅᔪᑦ.

ᐊᓯᒧᑦ ᖃᐅᔨᑎᑦᑎᑦᑕᐃᓕᓂᕐᒧᑦ ᑎᑎᖅᑲ: ᑐᑭᓯᐅᒪᔾᔪᑏᑦ ᑕᑕᑎᕆᐊᓕᖕᒥᑦ ᑲᑎᑕᐅᖃᑦᑕᖅᑐᑦ ᐱᔪᖕᓇᖅᑎᑦᑎᓂᖏᑦ ᐃᓗᐊᓃᑦᑐ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᕐᒥᑦ. ᑐᑭᓯᐅᒪᔾᔪᑏᑦ ᐊᑐᖅᑕᐅᓂᐊᖅᑐᑦ ᓂᕈᐊᖅᑎᑦᑎᓂᕐᓄᑦ, ᑕᒪᐅᓇᒥᐊᖅ ᓂᕈᐊᖅᑎᑦᑎᓂᕐᓄᑦ ᐊᒻᒪᓗ ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᕐᓄᑐᐃᓐᓇᖅ. ᐊᐱᖅᑯᑎᖃᕈᕕᑦ ᐊᐱᕆᔪᖕᓇᖅᑕᐃᑦ: ᐊᖓᔪᖅᑳᖅ ᐊᓯᒧᑦ ᖃᐅᔨᑎᑦᑎᑦᑕᐃᓕᓂᕐᒧᑦ ᑲᒪᔨ, ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ: privacy@elections.nu.ca ᐅᕝᕙᓘᓐᓃᑦ ᐅᖃᓗᒡᓗᑎᑦ ᐅᕗᖓ 800-267-4394

ᖃᕆᑕᐅᔭᒃᑯᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᕐᕕᒃ ᐊᑐᕐᓂᖅ ᐊᔪᕈᖕᓂ, ᑕᒡᕙᐅᓗᑎᒃ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᖅᑎᕆᖃᑦᑕᕐᒥᔪᑦ ᐅᖃᓘᑎᒃᑯᓪᓗ, ᑎᑎᖅᑲᑎᒍᑦ ᐊᒻᒪᓗ ᓱᑲᔪᒃᑯᑦ ᐃᓚᐅᓗᑎᒃ ᐱᔭᕆᐊᖃᖅᑐᑦ ᑭᓇᐅᓂᕐᓄᑦ ᓇᓗᓇᐃᒃᑯᑏᑦ.  ᓂᕈᐊᖅᑎᑦᑎᓂᖃᖅᑎᓪᓗᒍ, ᓂᕈᐊᖅᑏᑦ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᕈᖕᓇᕐᒥᔪᑦ ᓄᓇᓕᖓᓐᓂᑦ ᓂᕈᐊᖅᑐᓕᕆᓂᕐᒧᑦ ᑎᑎᕋᕐᕕᖕᒥᑦ ᐅᕝᕙᓘᓐᓃᑦ ᓂᕈᐊᕆᐊᖅᑐᕐᕕᖕᒥᑦ.

ᑕᑯᓗᒍ ᑭᓇ ᓂᕈᐊᕈᖕᓇᖅᐸ ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᑕ ᐅᕙᓂ info@elections.nu.ca ᐅᕝᕙᓘᓐᓃᑦ ᐅᖃᓗᒡᓗᑎᑦ ᐅᕗᖓ.