ᐅᖃᖅᑎᒋᔭᐅᔪᖅ ᒪᓕᒐᓕᐅᖅᕕᒻᒥ ᑑᓂ ᐋᖁᐊᖅ ᐅᓪᓗᒥ
ᑐᓴᖅᑎᑎᖅᑲᐅᕗᖅ ᓴᖅᑭᖅᑕᐅᒻᒪᑕᒎᖅ 2023-ᒥ ᐅᓂᒃᑳᓕᐊᒥᓂᖏᑦ ᓄᓇᕗᑦ ᓂᕈᐊᖅᑐᓕᕆᓂᕐᒧᑦ ᑭᓪᓕᖏᓐᓂᑦ ᕿᒥᕐᕈᔩᑦ.
ᐃᓗᓕᖏᓐᓂ ᓈᓴᐅᑎᓕᒃ 14-ᒥᑦ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᕐᒥ ᐱᔭᕆᐊᖃᖅᑎᑦᑎᒻᒪᑦ ᓂᕈᐊᖅᕕᖕᓄᑦ ᑭᒡᓕᒋᔭᐅᔪᓄᑦ ᑲᑎᒪᔨᓂᒃ “ᓴᖅᑭᖅᓯᔪᖃᕆᐊᖃᖅᑐᓂ
ᓄᓇᕗᒻᒧᑦ ᖁᓕᑦ ᐅᑭᐅᑕᒫᑦ ᐱᒋᐊᕐᓗᓂ 2022-ᒥ.” ᑕᐃᒃᑯᐊ ᒫᓐᓇᓕᓴᐅᓛᖑᔪᑦ ᓂᕈᐊᖅᑐᓕᕆᓂᕐᒧᑦ ᑭᒡᓕᖏᓐᓂᑦ ᕿᒥᕐᕈᔩᑦ ᓴᖅᑭᖅᑕᐅᔪᒻᒪᑕ ᐱᖁᔨᕗᖔᕈᑎᑎᒍᑦ
ᐊᒃᑑᕝᕙ 26, 2022-ᒥ, ᐃᒃᓯᕙᓂᖃᖅᑎᓪᓗᒍ ᒪᓕᒐᓕᐅᖅᕕᒃ.
ᖃᕋᓴᐅᔭᒃᑯᑦ ᐊᔾᔨᖏᓐᓂᑦ ᐅᓂᒃᑳᓕᐊᒥᓂᐅᑉ ᐱᔪᖃᕈᓐᓇᖅᑐᖅ ᐲᔭᖅᑕᐅᓗᑎᒃ ᒪᓕᒐᓕᐅᖅᕕᐅᑉ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓂᑦ ᐅᕙᓐᖓᑦ
www.assembly.nu.ca ᐊᒻᒪᓗ ᓄᓇᕗᑦ ᓂᕈᐊᖅᑐᓕᕆᔨᒃᑯᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓂᑦ ᐅᕙᓐᖓᑦ www.elections.nu.ca. ᑖᒃᑯᐊ
ᐅᓂᒃᑳᓕᐊᒥᓃᑦ ᒪᓕᒐᓕᐅᖅᕕᒻᒧᑦ ᓴᖅᑭᖅᑕᐅᓛᖅᑐᑦ ᑲᑎᒪᓂᕐᒥ ᒪᓕᒐᓕᐅᖅᕕᒃ ᐱᒋᐊᓕᖅᑲᑦ ᐅᑭᐊᒃᓵᒃᑯᑦ 2023-ᒥ ᐃᒃᓯᕙᓂᖓᓂᑦ.
ᐃᓗᓕᖓ ᓈᓴᐅᑎᓕᒃ 28 ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᐅᑉ ᐱᔭᕆᐊᖃᖅᑎᑎᒻᒪᑦ ᐱᖁᔭᒃᓴᕐᒥᑦ ᐊᑐᓕᖅᑎᑦᑎᒍᑎᒥᑦ ᐊᑐᓕᖁᔭᓕᐊᒥᓂᖏᓐᓄᑦ ᓂᕈᐊᖅᑐᓕᕆᓂᕐᒧᑦ
ᑭᒡᓕᖏᓐᓂᑦ ᕿᒥᕐᕈᔩᑦ ᓴᖅᑭᖅᑕᐅᔭᕆᐊᖃᖅᑐᑎᒃ ᒪᓕᒐᓕᐅᖅᕕᒻᒥ. ᑕᒪᓐᓇ ᐊᑐᖅᑕᐅᓛᖅᑐᖅ ᒫᓐᓇᐅᓛᖅᑐ ᐅᑭᐊᒃᓵᒃᑯᑦ 2023-ᒥ ᐃᒃᓯᕙᓂᕆᓛᖅᑕᖏᓐᓂ.
ᑐᑭᓯᒋᐊᕈᒪᒍᒃᓯ:
ᔮᓐ ᑯᕘᒃ, ᑎᑎᕋᖅᑎ ᒪᓕᒐᓕᐅᖅᕕᒻᒥ
(867) 975-5105
