ᐊᐱᖅᑯᑎ: “ᓈᒻᒪᒃᓴᖅᐲᑦ ᓂᐅᕐᕈᑎᖃᕈᓐᓇᕐᓂᕐᒧᑦ ᐱᔪᓐᓇᐅᑎᑖᖅᑎᑕᐅᔪᓂᒃ ᐃᖃᓗᖕᓂ?”
ᓂᕈᐊᕐᓂᖅ: ᐅᑐᐱᕆ 24−ᖑᓂᐊᖅᑐᖅ ᑐᖔᒍᑦ ᓂᕈᐊᖅᐸᒌᕈᒪᔪᑦ ᓂᕈᐊᕈᓐᓇᖅᖢᑎᒃ ᐅᑐᐱᕆ 17−ᒥ.
ᓂᕈᐊᕈᖕᓇᖅᑐᑎᑦ ᐃᒪᓐᓇᐃᒃᑯᕕᑦ:
- ᑲᓇᑕᒥᐅᑕᖅ;
- 19-ᓂᒃ ᐅᖓᑖᓂᓘᓃᑦ ᐅᑭᐅᖃᕈᕕᑦ;
- • ᐃᖃᓗᖕᒥᐅᑕᐅᓗᑎᑦ ᐊᕐᕌᒍᒧᑦ ᐊᑕᐅᓯᕐᒧᑦ.
ᓇᑭᑦ ᓂᕈᐊᕆᐊᖃᕐᒪᖔᑦ
ᑎᑎᖅᑲᑎᒎᕆᐊᓕᒃ ᓂᕈᐊᕈᑎ
ᖃᐅᔨᒋᐊᕐᕕᒋᓗᒋᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ: 800.267.4394
ᐊᔾᔨᐅᖏᑦᑐᑦ ᓂᕈᐊᕐᓃᑦ- ᐅᑐᐱᕆ 17−ᒥ
ᖃᐅᔨᒋᐊᕐᕕᒋᓗᒋᑦ ᓂᕈᐊᖅᑐᓕᕆᔨ: 867.222.3996 / 800.267.4394
ᓂᕈᐊᖅᐸᒌᕐᓇᖅ- ᐅᑐᐱᕆ 17−ᒥ 12-ᒥᑦ ᐅᑉᕈᒥᑕᕐᓇᒥᑦ 7-ᒧᑦ ᐅᓐᓄᒃᓴᒃᑯᑦ
- ᐊᐃᑉ ᐅᒃᐱᒃ ᑲᑎᕝᕕᐊᓂᑦ
- ᐃᒃᓯᕋᕐᔪᐊᒃᑯᑦ ᑲᑎᕝᕕᐊᓂᑦ
ᓂᕈᐊᕐᓇᐅᑉ ᐅᑉᓗᖓ- October 24 9-ᒥᑦ ᐅᑉᓛᒃᑯᑦ 7-ᒧᑦ ᐅᓐᓄᒃᓴᒃᑯᑦ
- ᐅᓇᓕᒃᓴᔭᕋᓛᑦ ᐃᒡᓗᖓᑦ
_____________________________________________________________
ᐊᖏᖅᑕᐅᓗᓂ ᓂᕈᐊᕆᔭᐅᒃᐸᑦ ᖃᓄᖅ ᑕᐃᒪ ᑐᑭᖃᖅᐸ?
ᐊᖏᖅᑐᒥᒃ ᓂᕈᐊᖑᒍᓂ ᑐᑭᖃᕋᔭᖅᑐᖅ ᐃᒥᐊᓗᓕᐅᖅᕕᒃ ᓄᓇᕗᒻᒥ ᐃᒥᐊᓕᓗᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᐱᔪᓐᓇᐅᑎᑖᖅᑎᑦᑎᔪᓐᓇᖅᓯᓇᔭᖅᖢᑎᒃ ᓂᐅᕐᕈᑎᖃᕈᓐᓇᖅᓯᓂᕐᒧᑦ 12x355ml ᐃᐳᐃᑦᑐᓂᒃ ᐊᓕᒍᕐᓂᒡᓘᓃᑦ ᐱᐊᓂᒃ ᐅᓪᓗᖅ ᐊᑕᐅᓯᖅ ᓂᐅᕕᕆᐊᖅᑐᓄᑦ ᐊᖏᕐᕋᖏᓐᓂᓗ ᐃᒥᕐᓂᐊᖅᑕᒥᓂᒃ.
ᐋᒃᑳᖅᑕᐅᓗᓂ ᓂᕈᐊᕆᔭᐅᒃᐸᑦ ᖃᓄᖅ ᑕᐃᒪ ᑐᑭᖃᖅᐸ?
ᐋᒃᑳᖅᑕᐅᒃᐸᑦ ᓂᕈᐊᖑᓂᕆᔭᖓᒍᑦ ᑕᐃᒪᓕ ᐱᔪᓐᓇᐅᑎᖃᖅᑎᐅᔪᖅ ᐊᔪᓕᕐᓂᐊᖅᐳᖅ ᓂᐅᕐᕈᑎᖃᕈᓐᓇᕆᐊᒃᓴᖅ ᐱᓇᓱᐊᖅᕕᖓᑕ ᓯᓚᑖᓂ, ᐊᐅᓪᓚᖅᑎᑦᑎᔪᓐᓇᙱᓪᓗᓂ, ᐅᕝᕙᓘᓃᑦ ᓂᐅᕐᕈᑎᖃᕈᓐᓇᙱᓪᓗᓂ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᓐᓄᑦ. ᒪᑯᐊ ᑕᕝᕙ ᒫᓐᓇ ᐊᑐᐊᒐᕆᔭᐅᕙᒃᑐᑦ ᐱᔪᓐᓇᐅᑎᖃᖅᑎᐅᔪᑦ ᒪᓕᒋᐊᖃᓲᖏᑦ.
ᐊᖏᖅᑕᐅᓂᕐᒧᑦ ᐋᒃᑳᖅᑕᐅᓂᕐᒧᓪᓗ ᓂᕈᐊᖑᔾᔭᐅᕙᒃᑐᑦ ᐃᓕᖅᑯᓯᖃᕐᒪᑕ ᐅᑭᐅᓂᒃ ᐱᖓᓱᓂᒃ ᓂᕈᐊᖑᔾᔪᑕᐅᒃᑲᓐᓂᕆᐊᖃᖅᐸᒃᖢᑎᒃ, ᐅᕝᕙᓘᓃᑦ ᐅᑭᐅᖅ 2025−ᖑᓕᖅᐸᑦ ᑕᐃᒪ ᓂᕈᐊᕈᑕᐅᔪᓐᓇᓛᕆᓪᓗᓂ.
ᖃᓄᕐᓕ ᑕᐃᒃᑯᐊ ᓄᖅᑲᕐᕕᖃᓲᑦ ᖃᓄᑎᒋ ᓂᐅᕕᐊᖑᔪᓐᓇᖅᑐᑦ ᐃᒥᐊᓗᒃᑖᕐᕕᖕᒥ?
ᐱᓇᓱᐊᕐᕕᖓᑕ ᓯᓚᑖᓂ ᓂᐅᕐᕈᑎᖃᕈᓐᓇᕐᓂᖅ ᓇᓕᒧᓐᓇᔭᕐᒥᔪᖅ ᐃᒥᐊᓗᒃᑖᖅᕕᐅᑉ ᓂᐅᕐᕈᑎᒋᔪᓐᓇᖅᐸᒃᑕᖏᓐᓂᒃ. ᑐᓴᖅᑕᐅᕈᓘᔭᕆᐊᖃᙱᓐᓂᖏᓐᓄᑦ, ᓄᓇᕗᒻᒥᑦ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᓴᖅᑭᑦᑎᔭᕆᐊᖃᙱᒻᒪᑕ ᓂᐅᕕᖅᐸᒃᑐᐃᑦ ᖃᓄᐃᓕᐅᕈᑎᒋᕙᒃᑕᖏᓐᓂᒃ ᓲᕐᓗ ᐱᔪᓐᓇᐅᑎᑖᖅᑎᓯᒪᔭᖏᓐᓂᒃ, ᓲᕐᓗ ᐱᓇᓱᐊᖅᕕᐅᔪᖅ ᐱᔪᓐᓇᐅᑎᖃᕈᓂ ᐃᒥᐊᓗᓕᐅᕈᓐᓇᕐᓂᕐᒧᑦ ᐊᒻᒪᓗ/ᐅᕝᕙᓗᓃᑦ ᐱᓕᕆᕝᕕᖓᑕ ᓯᓚᑖᓂ ᓂᐅᕐᕈᑎᖃᕈᓐᓇᕐᒪᖔᖅ.
ᑭᒃᑯᑦ ᐱᔪᓐᓇᐅᑎᑖᕋᓱᒍᓐᓇᖅᐸᑦ ᓂᐅᕐᕈᑎᖃᕈᓐᓇᕐᓂᕐᒧᑦ ᐱᓇᓱᐊᕕᖓᑕ ᓯᓚᑖᓂ ᓂᐅᕐᕈᑎᖃᕐᓂᕐᒧᑦ?
ᐊᖏᖅᑕᐅᒃᐸᑦ, ᐃᒥᐊᓗᖕᒧᑦ ᒪᓕᒃᑕᐅᔭᕆᐊᓖᑦ ᐱᔪᓐᓇᐅᑎᖃᖅᑎᐅᔪᓂᒃ ᐊᔪᙱᑎᑦᑎᓲᑦ ᐱᓇᔪᒍᓐᓇᖅᖢᑎᒃ ᐱᓕᕆᕝᕕᖓᑕ ᓯᓚᑖᓂ ᓂᐅᕐᕈᑎᖃᕈᓐᓇᐅᑎᓂᒃ.
ᓂᐅᕐᕈᑎᖃᕈᓐᓇᖅᐹᑦ ᓴᙱᔪᓂᒃ, ᐃᒥᐊᓗᖕᓂᒃ, ᕙᐃᓂᓂᒡᓘᓃᑦ ᐅᕝᕙᓘᓃᑦ ᐃᒥᐊᓗᖃᕐᓂᖓ ᓴᙱᓗᐊᙱᑦᑐᓂᒃ ᐃᒥᒐᒃᓴᓂᒃ ᐊᖏᕐᕋᐅᔾᔭᐅᓂᐊᕐᓗᑎᒃ ᓂᐅᕐᕈᑕᐅᔪᓐᓇᖅᐸᑦ?
ᐊᖏᖅᑕᐅᒃᐸᑦ, ᐱᔪᓐᓇᐅᑎᖃᖅᑎᐅᔪᖅ ᓂᐅᕐᕈᑎᖃᕈᓐᓇᕋᔭᖅᑐᖅ ᐱᐊᓂᒃ ᐱᓇᓱᐊᖅᕕᖓᑕ ᓯᓚᑖᓂ ᓂᐅᖅᑲᖅᑕᐅᔪᒃᓴᓂᒃ.
ᑖᓐᓇᑦᑕᐅᖅ ᐊᑐᐊᒐᕆᔭᐅᒋᕙ ᐃᖃᓗᐃᑦ ᓯᓚᑖᓂ ᓄᓇᓕᖕᓄᑦ?
ᐱᔪᓐᓇᐅᑎᐅᔪᖅ ᓂᐅᕐᕈᑎᖃᕈᓐᓇᖅᖢᓂ ᐱᓇᓱᐊᕐᕕᖓᑕ ᓯᓚᑖᓄᑦ ᓲᕐᓗ ᐃᒥᐊᓗᓕᐅᖅᑎᐅᔪᓄᑦ − ᒫᓐᓇᓕ, ᐊᑕᐅᓯᑐᐊᑦᑎᐊᕐᒥᒃ ᐃᒥᐊᓗᓕᐅᖅᕕᒃᑕᖃᖅᑐᖅ ᐱᔪᓐᓇᐅᑎᖃᖅᑎᐅᓪᓗᑎᒃ ᓄᓇᕗᒻᒥ, ᐃᖃᓗᖕᓃᑦᑐᖅ. ᓂᕈᐊᕈᑕᐅᔪᖅ ᐊᑑᑎᖃᕐᓂᐊᖅᑐᖅ ᐃᖃᓗᖕᓄᑐᐊᖅ, ᓯᕗᓂᒃᓴᒥ ᐊᓯᐊᓂᒃ ᓄᓇᓕᖕᒥ ᐃᒥᐊᓗᓕᐅᖅᕕᒃᑖᕋᔭᕐᓂᖅᐸᑦ; ᓄᑖᒥ ᓂᕈᐊᕈᑕᐅᔭᕆᐊᖃᓕᕋᔭᖅᑐᖅ ᓂᐅᕐᕈᑎᖃᕈᓐᓇᖅᓯᓚᐅᙱᓐᓂᖏᓂ ᐱᓇᓱᐊᖅᕕᖓᑕ ᓯᓚᑖᓄᑦ.
ᖃᓄᐃᒻᒪᑦ ᓂᕈᐊᕈᑎᖃᕐᓂᖅ ᐃᖃᓗᖕᓂᑐᐊᖑᕙ?
ᐃᒥᐊᓗᓕᕆᓂᕐᒧᑦ ᐱᖁᔭᖅ ᒪᓕᒃᖢᒍᓕ ᐱᔭᕆᐊᖃᖅᑎᑦᑎᖕᒪᑦ ᓄᓇᐅᔪᖅ ᐱᑖᖅᕕᐅᔪᒪᔪᖅ ᓂᕈᐊᕐᓂᒃᑯᑦ ᐊᐱᕆᔭᐅᔭᕆᐊᖃᖅᖢᑎᒃ ᓄᑖᒥᒃ ᐱᔪᓐᓇᐅᑎᑖᖅᑐᖃᕋᓱᓕᕌᖓᑦ ᓇᒥᑐᐃᓐᓇᖅ ᓄᓇᒥ. ᑐᒃᓯᕌᖑᓚᐅᖅᓯᒪᙱᑦᑐᒥᒃ ᐱᓇᔪᒃᑐᖃᕐᒪᑦ ᐃᖃᓗᖕᓂ − ᐱᓇᓱᐊᖅᕕᖓᑕ ᓯᓚᑖᓄᑦ ᐱᔪᓐᓇᐅᑎᖃᕈᒪᔪᒥᒃ − ᑕᐃᒪᐃᓐᓂᖓᓄᑦ ᐃᖃᓗᖕᓂ ᓄᓇᖃᖅᑐᓄᑐᐊᑦ ᓂᕈᐊᕈᑎᖃᕐᓂᐊᖅᑐᑦ.
ᐃᖃᓗᖕᓂ ᓄᓇᖃᙱᑦᑑᒐᓗᐊᑦ ᐱᐊᑖᕆᐊᖅᑐᕈᓐᓇᖅᐹᑦ ᐊᖏᕐᕋᐅᑎᔪᓐᓇᖅᑕᖏᓐᓂᒃ?
ᐃᓄᐃᑦ ᐊᓯᖏᓐᓂᒃ ᓄᓇᓕᖕᓂ ᑎᑭᓯᒪᔪᑦ ᓂᐅᕕᕈᓐᓇᕋᔭᖅᑐᑦ ᐱᐊᓂᒃ ᐃᖃᓗᐃᑦ ᐃᒥᐊᓗᓕᐅᖅᕕᖓᓂᖔᖅᑐᓂᒃ ᐱᔪᓐᓇᐅᑎᖃᕐᓂᖏᓐᓄᑦ ᓂᐅᕐᕈᑎᖃᕈᓐᓇᕐᓂᕐᒥᒃ, ᑭᓯᐊᓂ ᓱᓕ ᐱᖁᔭᕐᓂᒃ ᒪᓕᒋᐊᖃᖅᑐᑦ ᓄᓇᒧᑦ ᐅᑎᕈᑎᔭᖓᑕ ᐱᖁᔭᙱᓐᓂᒃ.
ᖃᖓᒃᑯᓪᓕ ᓂᐅᕐᕈᑎᖃᕈᓐᓇᕋᔭᕐᒪᑕ ᐱᐊᓂᒃ ᐱᓇᓱᐊᖅᕕᖓᑕ ᓯᓚᑖᓄᑦ?
ᐊᖏᖅᑕᐅᒍᓂ, ᑖᓐᓇ ᓂᕈᐊᕐᓂᐅᔪᖅ ᐱᔪᓐᓇᖅᓯᑎᑦᑎᓂᐅᙱᑦᑐᖅ ᐱᐊᓂᒃ ᓂᐅᕐᕈᑎᖃᕈᓐᓇᖅᓯᓂᕐᒧᑦ ᐱᓇᓱᐊᖅᕕᐅᑉ ᓯᓚᑖᓃᑦᑐᓄᑦ. ᐊᔪᕐᓇᕈᓐᓃᖅᑎᑦᑎᑐᐃᓐᓇᕐᒪᑦ ᐱᔪᓐᓇᐅᑎᖃᖅᑎᐅᔪᒧᑦ ᐱᓇᔪᒍᓐᓇᖅᓯᓂᖓᓂᒃ ᓂᐅᕐᕈᑎᖃᕈᓐᓇᕐᓂᕐᒥᒃ ᐱᐊᓂᒃ ᐱᓇᓱᐊᖅᕕᖓᑕ ᓯᓚᑖᓂ, ᑖᒃᑯᐊᓗ ᓄᓇᕗᒻᒥᑦ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᐱᔪᓐᓇᐅᑎᑖᖅᑎᑦᑎᔪᓐᓇᖅᓯᓇᔭᖅᐳᑦ ᑐᒃᓯᕌᖑᔪᒥᒃ.
ᐃᒥᐊᓗᓕᐅᖅᕕᖃᖅᑐᑦ ᐱᔪᓐᓇᐅᑎᑖᕆᐊᖃᓲᖑᔪᑦ ᓂᐅᕐᕈᑎᖃᕈᓐᓇᕈᒪᒍᑎᒃ ᑖᒃᑯᐊ ᑲᑎᒪᔨᑎᒍᑦ ᐊᖏᖅᑕᐅᓯᒪᓗᑎᒃ. ᓄᓇᕗᒻᒥᑦ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᐱᔪᓐᓇᐅᑎᑖᕋᓲᑎᒥᒃ ᕿᒥᕐᕈᓕᕋᔭᖅᐳᑦ ᐊᖏᖅᓯᓗᑎᒡᓗ ᑖᒃᑯᐊ ᐃᒥᐊᓗᓕᐅᖅᑏᑦ ᓂᐅᕐᕈᑎᖃᕈᓐᓇᖅᓯᓚᐅᙱᓐᓂᖏᓂ ᐱᓇᓱᐊᖅᕕᖓᑕ ᓯᓚᑖᓄᑦ.
ᐃᒥᐊᓗᓕᕆᓂᕐᒧᑦ ᐱᖁᔭᖅ ᐊᑖᒍᓪᓕ ᐊᒻᒪᓗ ᐃᒥᐊᓗᖕᒧᑦ ᒪᓕᒃᑕᐅᔭᕆᐊᓖᑦ , ᒪᑯᐊ ᑕᒪᔾᔭ ᐊᑐᐊᒐᐃᑦ ᒪᓕᒃᑕᐅᔭᕆᐊᖃᓲᑦ:
- ᓄᓇᕗᒻᒥ ᐃᒥᐊᓕᓗᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ, ᐱᓇᔪᒍᑕᐅᔫᑉ ᐃᓚᒋᓪᓗᓂᐅᒃ, ᐃᑲᕐᕋᓂᒃ ᑕᐃᓯᓇᔭᖅᑐᑦ ᖃᖓᒃᑯᑦ ᓂᐅᕐᕈᑎᖃᕈᓐᓇᕐᒪᖔᑕ, ᑭᓯᐊᓂᑦᑕᐅᖅ ᓇᒥᑐᐃᓐᓇᐅᒐᓗᐊᕈᑎᒃ ᓂᐅᕐᕈᑎᖃᕈᓐᓇᙱᑦᑐᑦ ᐅᓐᓄᑯᑦ 10:00 ᖄᖏᖅᓯᒪᓕᕌᖓ; ᐊᒻᒪᓗ
- ᐱᐊᓂᒃ ᓂᐅᕕᐊᒃᓴᖃᕆᐊᖃᙱᑦᑐᑦ ᓴᓇᑦᑕᐃᓕᒃᑯᑦ/ᓈᑦᑏᖑᔭᒃᑯᑦ.
https://www.gov.nu.ca/iu/kiinaujalirijikkut/news/imialuqarunnautimut-pi…
