Nunavunmi Niruaqtuliqiyitkut Angiagiyauyunut Aulapkaininganut Piliriakhaq aulapkatittiyuq angiagiyauyut inuup ilitturutainik piyangit, atuqtangit, hatqitangit unalu pihimayait havagaqaqhutik maliganut atugainik. Havagakhait qimilruyauttaqtut malruk ukiut iniqpata.
Atangauyaq Ikayuinia
Atanguyaq Niruaqtuliqinit angirutigiyang havagakhaq unalu maligautinniagaa.
Atanguyaq Angiagiyauyuliqiyi
Atanguyaq Angiagiyauyuliqiyi tamainnut atanguqtuiniuyuq nauttiqtuiluni agiagiyauyunik aulapkailuni unalu maliktautillugu hapkua havayakhautigiyauyut:
- Angiagiyauyunut aulapkaiyuliurluni pidjutiliit kitittinirmut, atuqtaunianut unalu angirutaunianut inuup ilitturutainik unalu qimilruinnarlugit.
- Nauttiqturlugit taimaita ilait angiagiyayunut atugauyut unalu maliguarnirmut, ilauyut angiagiyauyunt aulapkailuni upalungaiyauti.
- Aulapkailugit kiudjutigilugillu tamaita angiagiyauyunik ihuinaarutauyut unalu/uvvaluunniit ilitturutingut qanurilinniit.
- Kiudjutigilugit hamunga unalu aulapkailugit tamaita angiagiyauyunik qinudjutauyut.
- Havaqatigilugu affisinga Ilitturutinut unalu Angiagiyauyuliqinirmut Kamisina ilaulugit pidjutiliit naunaiyainiit
- Hanalutik, pihimalugit unalu aulattiarlugit angiagiyauyut mighaanut ilihaqtitaulutik havaktiit.
- Havaqarluni nalukhanngittuuluni piyauyumaunik katudjiqatigiimut unalu atauhirmut havaktinut apiriyakhaliit uvalluunniit pidjutauyunik angiagiyauyut mighaanut.
- Ikayurlugit havaktiit angiagiyauyuliqiyunik-piyittiqtinut-aulapkainirmut pidjutilingnut.
- Naunaiyailuni unalu nutaangurlugit inungmut ilitturutiit piyauhimayunik unalu angiagiyauyunik aulapkainirmut havakhaq unalu qanuriliuquyauyut uvvaluunniit nutaanguqtuqtauyukhauyut.
Ilihainiq
Havaktit tamaita Atanguyaq affisinganit (havaktiunginnaqtut unalu kilamik) angiagiyauyumut iliharlutik ilagiyauluni qauyimalirutinut. Ilihainiq qilamik niruaqtuliqinirmut havaktinik niruarvingniitunit ilauyut qanuriliuqulugit ihuaqtutkut atuqtauyariaqarutaa unalu aulapkailugit inuup ilitturutingit.
Angiagiyauyunik Aulapkailuni Maliguagait
Nunavunmi Niruaqtuliqiyit angiagiyauyunut aulapkailuni maliguagangit atqikhimayut unalu aturniarlugit ikayurlugu angiagiyauyumut maliktauyukhaq unalu aulapkailuni. Maliguagait hapkununngalu qanuruliuqpallianiit unalu titirauhirilugit naunaiyaidjutauttaqtut unalu nutaannguqhugit ublumimut atqiumalutik tamainnuungalugillu.
Titiqhimayut ilagiyauyut maliguagait piumayut pittaqtut hamani:
- Niruagakhaq Atuqtuq Niruaqtiit Atiinik-Haamalatkut Niruaqtittiningit (PDF)
- Niruagakhaq Atuqtuq Niruaqtiit Atiinik-Maligaliuqtinut Niruaqtittiningit (PDF)
- Tukhiqtut Piumaluni Ilittirutinik Tamainut Inungnut Titiqhimalaittunut (PDF)
Naunairutikhat
Nunavunmi Niruaqtuliqiyit tuhaqtittiniaqtut inungnik kitittiviutaqtut inuup ilittirutainik, kitittitillugit pidjutainut kitittiniup, aulapkaiyut kitittinirmut, unalu qanuriqaaq havayaqtaunia ataniq angiagiyauyuliqiyi.
Inungmut Ilittirutiit Piyauhimayut
Nunavunmi Niruaqtuliqiyit naunaiyailuni unalu nutaangurlugit inungmut ilitturutiit piyauhimayunik unalu nutaangurlugit inuup ilitturutingit naunaiqhiyut hapkuninngat:
- Qanurittur inuup ilitturutingit kititauttaqtut, atuqtauyut unalu angirutauyut.
- Pidjutai inuup ilitturutingit kititauhutik, atuqtauyuhutik unalu angirutauyuhutik.
- Qanuriliurutauyut kititauhutik, atuqtauyuhutik unalu angirutauyuhutik.
- Atuqtagai kitittigumik, atuqtaugumik unalu angirutaugumik.
- Ininga inuup ilitturutiinik pihimaluni.
- Piyauhimania unalu aliktuqtauninginnut ubluit tamainnut.
Angiagiyauyumik Ihuinaaqtuqaqqat Maligakhaq
Adjigiilimainninganut qanurinningit ilitturutinut piut uvvaluunniit angiagiyauyumik ihuinaariniit, “atauhimut atuqtumik” kiudjutiqalaittuq, unalu qanuriliuriniit ilaigut unalu ihuaruni atauhimut piunik. Inuinaaqtuqaqqat unaluunniit ihumagiyaugumi ilitturutiit mighaanut qanuriliniuyunut unaluunniit angiagiyauyumik ihuinaaqtumik:
- 1. Havaktiit unalu/uvvaluunniit piyittiqtaqtut uqauhirilugu inuinaaqtuq unaluunniit ihumagiyauyuq Atanguyaq Niruaqtuliqiyinut;
- 2. Atanguyaq Niruaqtuliqiyinut qauyiniaqtur kinguniagut qanuriliurutinik naunairluni Affisinga Ilitturutinut unalu Angiatiyauyunut Kamihina, paliihiit uvvaluunniit ahiit hamunga aulalpkaiyiuyut.
Qauimayauli: Ikpingnaqtut ilitturutiit unalu inuup ilitturutingit ihumagiyauyut atauhiungittut, ikpingnaqtut ilitturutiit tikihimayut inuup ilitturutiata hamungakkanniq inungmut turaangittunut kihiani qauimayauyukhaittunut ilitturutinut.
Hivayarlugu
Apirhuutinut angiagiyauyut mighaanut uvvaluuniit pidjutinut, hivayarlug Atanguyaq Angiagiyauyunut Affisia hamani:
41 Sivulliq Avenue
Kangiqhiniq, NU X0C 0G0
T: 645-4610 (Rankin Inlet) uvvaluunniit 1-800-267-4394 (Akiqalaittuq Kanatami)
