Apirhuutaunginnaqtut

Adjigiikpata, uvvaluuniit adjigiinginniq malruunik vutiqtaunahurittunit 2%-mik kititimajunit vutirutinit, Utiqtittiyi tukhiqturluni apiqhuivvingmut kitittiqujiluni. Kitittitillugit, niruaqtaunahurittut ilauyungnaqhutik, apiqhuiyiralaaq kitittiluni vutiutauyunit. Piqataa vutiqtaunahurittuq vutiqtauniqhaukpat vutiqtaunahuriqatauyumit, vutiqtaunahurittuq niruaqtauyuq. Piqatiagulli, adjigiikpata vutiutauyut, Atanguyaq Niraqtuliriyini inmikkuurniq niruaqtittiniaqtuq nirauqtauhimavvingmit.

June 2017-mit, tukhiqtulauqtut maligamik (Piquyakhaq 49) angirutaulauqtuq, maligaqahiqhutik Haamalanut katimayit, maiyamut unalu Ilihaqtuliriyitkut Katimayinut (DEA) niruaqtittininginnut maligainik Nunavunmi Niruaqtulirinirmut Maligaryuanganit, unalu Nunavunmi Niruaqtuliriyitkuuniit piyakhaqaqliqhutik kamalugit nunalingmit niruaqtittiniit ilagilugit nunavunmi niruaqtittiniit hapkua aulapqaaniktangit.  Pidjutaa nutaat maligait adjigiilirlugit haamalakkut unalu nunalingmit maligait, taimaak, tamaat niruaqtittiniit ayurnalairlugit ihuaqhilugillu hivummugluni.

Nunalingnit niruariaqturvingmit Apex-mit, niruarngniaqtutit nunalingnit DEA-kunnut, niruarlutillu haamalanut katimayimik unalu maiyamir nunalingnut Iqalungnit, ilauvvigiyait. Unalukkannik, niruangnaqtuuguvit, niruarungnaqtutit Commission scolaire francophone du Nunavut  (CSFN)-kut niruaqtittiningannit.

Niruaqtaqtutit katimayinut CSFN-kunnut French-tut uqarungnarungnarngnirmut piyungnautiqaruvit, tikitqaumalutit ilainut atauhirmit uqaqhimayunit titiqqaq 23-mit Maligait Piyungnautinut unalu Ihumarhurungnarngnirnut:

• Uqauahiit French-ngukpat (hivulliqpaaq uqauhiq ilihimayuq unalu tukihiayait ublumi);
• Ilihalauravit huruhiit ilihivianit French-tut uqaqtunit Kanatamit;
• Angayuqqaariyaugavit (mianirhiyi) huruhirmut iliharhimayuq iliharniaqturluunniit huruhirngnut iliharvingmit qutingniqhamilluunniit French uqauhikkut iliharnirvingmit Kanatamit.

Ilivit imainnavillu:

• 18-nik ungavanigluunniit ukiuqaravit
• Nunavunmiutaugavit atauhirmut ukiumut ungavanganulluunniit
• Ahiinut nirualainnavit Ilihaqtuliriyitkut Katimayinut niruaqtittinirmi

Iliharvituaq aulapqaqtauyuq CSFN-kunnut Iqalungit, kihiani kinatuinaq inuk Nunavunmi niruarungnaqtuq CSFN-kut niruaqtittiningannit.  Minista Iliharviliriyinut ikayuqtaqtuq Nunavunmi Niruaqtuliriyitkunnit atiliurilutik niruaqtinik CSFN-kut niruaqtittiningannit.

Malighugit nutaat niruaqtittinirmut maligait atulirniaqtu Aktupa 1, 2018-mit, ingmikkut niruaqtittiniqtaqalaittuq haamalanut katimayiinut unalu Ilihaqtuliriyitkut Katimayiit (DEA). Kihimi, inangiiyut haamalanut katimayiinik niruaqtauniaqhutik unaliqqaaq niruagakhauyunit niruaqtaulimaittunit, uvvaluunniit tukhiqtuqhimayunit pititaulimangittunit.  Maiyamut iniuyuq innukhimalaitpat, ahinga maiya niruaqtauyuq ingmikkut niruarnikkut uvvaluunniit tikkuaqtaulumi katimayinut.

Haamalanut katimayit piyakhautiliit haamalaup maniktuutainik, unalu piyittirautainik humigluunniit uumayunik aulapkainingnik, havakhanik, aqqutinik, imarmik, anarvingnit piunik, quviahugiyauyunilluunniit.  8-nik katimayiliit unalu maiya, tamaat niruaqtauhutik nunalingmit.

Ilihaqtuliriyitkut Katimayiit (DEA) katimayialaat 7-nguyut nunalingmit niruaqtauttaqhutik.  Katimattaqtut atauhiiqhutik tatqimit, havaqaqtigiblugit Aviktuqhimayut Iliharvingnut Aulapqaiyinit unalu iliharvingmit havaktinit, piyakhautiliit ihumaliurinirmut iliharngniq aulapqaqtaungmangaat nunalingmit.  Piyakhautiani ilauyut iliharvingmit ubluqhiuti, ilihariaqtaqtunullu atuaganik.  Commission scolaire francophone du Nunavut Ilihaqtuliriyitkut Katimayingungmiyut, kihimi tallimanik katimayiqaqtut 7-ngunngihutik. Uqalimaarlugu Ilihaqtuliriyitkut Katimayiit.

Qauyigiarlugu nunalingnut nunauyaq. Niruaqtinut Ilutturutitaqalaittuq aulaiyauhuunik Haamalakkunnut Niruaqtittinianut. Uqaqatigittaqtatit nunaliit, hamaniinniaqtut niruarniup ubluunit.

Niruagakhauyuq tamainut maiyamut unalu haamalanut katimayimut niruagakhaulimaittuq.  Niruagakhaq nalliannut piumayaminik niruagakhauyungnaqtuq.  Niruagakhaq imaittaqtuq, niruagakhauluni Ilihaqtuliriyitkut Katimayinut (DEA) niruagakhauluni maiyamut unaluunniit hamalakkunnut katimayimut.

Imannaq. Haamalait nunauyaliuqhimayut aallaublugit kivgaqtuivvingnit.  Immaluunniit nunamik qaariiktut hapkunani aallagiinikt niruaqtittinirmut iniuyunit, adjigiilimaittut.  25-nik nunaliuyut Nunavunmi, unalu kihimi 22-nik kivgaqtuivingnit.  Ilitturutinik piumaguvik, qauyigiarlugu nunauyaq nunalingnut.

Kingullirmi haamalakkunnut niruaqtittiniulaaqtuq Aktupa 23, 2023-mit.

Uqariiqtut niruagakhaunirmut titiqhimaniaqtut talvani tatqirmit hivuagut niruaqtittiniup.  Piyakhaqaqtut ilitturhautinik niruagakhaugami (atuqhimayait, hivulliqpautiyakhait, tamatkua) takuyauqulugit niruaqtinut nunalingannit. Adjigiingittuuyungnaqtut, titigakkut, inungnuarlutik, katimatittinirnilluunniit.

18-nik ukiuqaliruvit, uvvaluunniit niruaqataniq ayunngilirumik tatkikhiutit 6 iluanit, atiit ingmik iliniaqhuni atuqtauyut niruaqtit atiinut.  Iligumi, niruaqtaqtutit nalliangilluunniit Nunavunmi uvvaluunniit nunalingmit niruaqtunit.

Ukiuqaqtukhauyutit 16-nik 17-niglu, Kanatamiutaulutit, Nunavunmiutaulutillu 12 tatkikhiutinik.

Qaritauyakkut hivuanit niruaqtiuniaqtunut atiliurungnaqtutit, uvvaluunniit titirlugu hivuanit niruaqtiuniaqtunut atiliurivvik unalu qaritauyakkut titiqqitigut aullaqtillugu uvaptingnut.

Angirutiqaqtugut Kanatamit Niruaqtuliqiyinik tuyurngiarlugit tuyuiniarlutiglu niruaqtimut ilitturutinit.  Tukiqaqtuq atiliuqtauhimakautiginiaqtutit Gavamatuqakkut Niruaqtittiniinnut 18-nik ukiuqaliruvit.

Imannaq. Ingmit Mighaanut Katimayiralaat (AEC) hapkunaniittut nunalingmut atqiumayuqaqhutik aulapkainiarlutik ingmimit. 2020-mit, hapkaungulauqtut Ikpiaryuk, Kinngait, Igluligaaryuk, Kangiqtugaapik, Sanirayak, Igloolik, Kimmirut, Naujaat, Mittimatalik, Qikiqtarjuaq, Qauyiuttuq unalu Tikiraryuaq. Nunalingnit inmik aulapkayaulimaitpat uvvaluunniit ayuliqtitauhimalipaitpat AEC-nik katimayiqalaittut.

Hapkoninga havakaktot okoa Kiglilikiot Havaktit kanok naonaiyaivaktot votikviit kiglikhainik. Ovagut votikviit naonaikhimaviit votiktamingnit ekayukhigiangitni.
Inuit ekayukhilokagiangitni votiktamingnit, ovagut oingaiyaktavut votikhikviit kanok amigaitiyut inuknik ajikiigahoakhogit votiktot inuit.

Ovalo kaoyimalogo allanik, nunalo ovalo Inuit Kaoyimayatokangit atoklogit.

Kaffingokpaktot inuit nunani naliak allangokpaktot inugiakhigomik votikhikviit. Ona Kinglinggitnik Havaktit havakpaktot votikhikviit, inuitlo votilokaktitaovaktokhat namaktomik, inugiakhigaloaktitlogo. Ehivgiokhivaktot Nunavutmi votikviknik kiglingitnik ovalo pitkoivaktot allangoktonik, kanok inuit tohakvigilgaaklogit.

Okoa Kiglinggitnot Havaktit 3‐goyut havaktikaktot, elikoktot kavamanit. Atokhotik Nunavutmi Votiotinik Maliganik, okoa Kiglilikiot Havaktit oktokpaktot kiglikhainik ovalo atikhainik Nunavutmi votikvikhanik.

Enikat talvani, ona Nunavutmi Maligaliokvikmi eliogainiaktot Kiglilikiokhanik Havaktinik 10 okiot enigaikpata.

Tabkoa Havaktit havalikpaktot aolalikhotik meetiktit tikkoaktaogangata. Nongotpaktok havangat Havaktit onipkakhak tts hatkiktaogangat Maligaliokvikmot.
Okoa Havaktit havakhat aolavaktok emakak 250 oblonik – kiglilik 8 tatkikhiotinik. Okoa Maligaliokvik havanga enikalaikyumikpaktok 6 tatkikionik elavlogo Nunavutmi
niggoakniakata Nunavutmi Havaktit onipkakhaktik eniktinago.

Okoa Havaktit onipkakniaktot kanok aolakpat naonaiyaklogo havaagiyat. Ona onipkakhak oktutikakniaktok naonaiklogolo:

• Okoa kaffit votikhikvikni ovalo kanok kiglikaktot.
•  Kaffit inuit amigaitpat votikhikvikni.
•  Hok nunat kiglinikpat nutaanik votikhikviit.
• Atiit votikhikviit ovalo hok allangoktot votikhikviit.

Tamna hivolioktioyuk havakti atanioniaktok naliak apikhoiyi okonaniotak Nunavutmi Apikhoiyitkoni naliak oktovaktolikioni. okoak malgok elaoyuk okonanik votilaktokhaklo. Inuit elaoyukhaongitot kavamatokaniotat, nunatiamiotat, nunamiota, naliak hamlatkoni havaktit elaolimaitot Havktiolotik.

Ona hivoliokti atanioniaktok.

Kamisina Nunavunmi Tikkuaqtauhimayut pitquyauyunik Maligaliurvingmit.

Ilangi inuit havaghimavangniat niruaqtittiviat angmaumatillugu. Iharianaqqat, havakviit havaktailivaktughat malrungnik ikaaqninik niruarumayunut. Havakviit havaktailivigharnik taihiniaqquq. Niruaqtut havayuktut 8:30 mit uplaami 5 mut unnuktinnagu havaktailiyauyuittut niruariaqtuqlutik.

Takupkaqtittiquyauniarungnaqhiyutit ilittuqhitingnik naunaitkutarnik niruaqtittiyuq ilihimangitkumi ilingnik, takupkaqtittiluguluuniit titiraqaqviit turaaqviat. Aghaluutiturniqmut laisiutinik, aghaluutivit titirautainik taamnalu Kavamatkut Nunavunmi Ilingnut ilittuqhitiit piyauvaktuttauq. Hapkua pihimanngitkungnik, aallat naunaitkutat naammagiyaunginnaqtut avugiighutik. Naunaittiarumaguvit, hivayaqlugit Niruaqtittiyit Nunavunmi.

Itakupkainiarungni Naunaitkuhivit ilaliutiyakhatit: Atauhirmik Naunaitkuhirmik ativit, turaarutivillu, atiliuqhimayatillu.

Haffuminngatut:

• Aqutigut laisiata

• Akhaluutit atiliurninga

• Nunavut Kavamangit Naunaitkuhiq Titiraq.

Uuminngalluuniit

Malrurnik naunaitkutaq: Atauhiq ilitturnaqtuq ativit atiliuqhimayatit aippaattauq ativit nunalingni turaarutaa.

Haffuminngatut Naunaitkuhiq ativit atiliuqhimayatillu:

• Angirutaa titiraq - Nunavut Tunngavik Timigutaa

• Aanniaqtuliqinianut nalliukumaagutaa

• Kanatamit hilataanut aullarnaqtunut naunaitkutaq

• Nunalingmiuttani titiqqak

• Aaquaqhiutit Inutquaqhiutit titiqqak

• Inuuliqinigut nalliukumaatigut titiqqak

• Maniqarviup titiqqak

• Makpiraaqarviup titiqqak

• Ilihaqtunut titiqqak

Haffuminngatut uumani Naunaitkutaq takunnaqtuq ativit

turaarutivillu:

• Nunanut akikhaa

• Nuna taaksiutinga

• Nuna taaksiutinga

Aallannguriami naunaitkutatit ilittuqhitingnit Niruaqtaqtut Naunaitkutainit, titiraqlugu taamna Aallanngurutit Ihuaqhautillu Titiraaghat qaritauyakkut. Talvanngat, titiranunngaqlugu tuyuqlugulu kayumiktukkut titiraqaqvikkulluuniit.

Malruuyut havauhighat iliyauyaami Niruaqtaqtut Naunaitkutainut:

• Titiraqlugu taamna Niruaqtaqtut Titiraaghait qaritauyakkut. Titiranunngaqlugu tuyuqlugulu uvaptingnut.
• Titiraqlugu titiraaghaq niruariaqturuvit. Ilingnut ilittuqhititit takuyauyumaniaqtut.

Niruaqtittiyit Nunavunmi maliktaghalgit malikpaktainik inuit naunaitkutainut, amirnaiqhimavaghutik havakviinit. Naunaitkutat niruaqtaqtunut (niruaqtaqtut titiraaghait), taapkualu niruaqtaqtut naunaitkutait TUNIYAUYUITTUT kitunut angiqtauhimaitkumik taapkuninnga Nunavunmi Niruaqtittiyit Maligait. Ilittuqhipkaittailiniq niruarutinik aghuuqnarivagaat Niruaqtittiyinit Nunavunmi. Pilaarutiqaqtutit niruaqhiyaami ilitturinnaittukkut, amihuniklu havauhiqaqtut taimaa ilittuqhititit ilingnut ilikkuuqtitauyaami niruarutingnit.

Aimaviitkuvit, nunallaaqmiutaunahugiyauyutit nanikiaq nirivigivaktaqni hiniktarvigiyuktarnilu, hinikvingnit nirivingnillu.

Adjigiikpata, uvvaluuniit adjigiinginniq malruunik vutiqtaunahurittunit 2%-mik kititimajunit vutirutinit, Utiqtittiyi tukhiqturluni apiqhuivvingmut kitittiqujiluni. Kitittitillugit, vutiqtaunahurittut ilauyungnaqhutik, apiqhuiyi kitittiluni vutiutauyunit. Piqataa vutiqtaunahurittuq vutiqtauniqhaukpat vutiqtaunahuriqatauyumit, vutiqtaunahurittuq niruaqtauyuq. Piqatiagulli, adjigiikpata vutiutauyut, Atanguyaq Niraqtuliriyini inmikkuurniq niruaqtittiniaqtuq nirauqtauhimavvingmit.

Qaffiuyut aallatqiiktut ilingnut atuqtaghat. Hapkuanguvut atuqtaulluaqpaktut:

• Havakviat Niruaqtittiyut Titiraqtim – 14-nguyughat hitamaulutikluuniit upluit Niruaqtittiyut Upluanit, 12-mit nirinnaqtumi 7-mut unnuktumi.
  imaaluuniit
  Niruaqvighaq tikitinnagu niruaqtittiyut – Atauhiinnaqmik uplumik, talvani nunallaaqnit Niruaqtittiyiitumik, 7-nik uplunik Niruaqtittiyut Upluat tikitinnagu, 12-mit nirinnaqtumi 7-mut unnuktumi
• Titiraqaqvikkut tuyuqhugu– niruaqtaqtunut nunallaaqmingnik aullaqhimaniarumik niruaqtittigumik. Titiraqlugu taamna Ahiittut Niruarutighat Titiraaghaq. Talvanngat titiranunngaqlugu tuyuqlugulu kayumiktukkut titiraqaqvikkulluuniit. Uuktuutit titiraaghaq angiqtaugumi, titiraqaqvikkut tuyuqniaqqugut titiraqaqvikkuuqtumik niruarutigharnik.

Ilittuqhittiarumaguvit, takulugu taamna Qanuq Niruaqpaktut.

Hivayaqlugit Niruaqtittiyit Nunavunmi havaaghaqariaghaanik nunallaaqnit.

Tamangnik kivgaqtuqtauyut aviktuqhimaniit kivgaqtiqaqpaktut Maligaliuqtighanik Maligaliuqvingmi (MLA). Nunavunmi 22-nguyut kivgaqtuqtauyut aviktuqhimaniit. Nunallaaqyuaq Iqalungni, hitamanik aviktuqhimayulgit kivgaqtuqtauyunik, ahinilu angitqiyanit nunallaaqnit malrungnik kivgaqtiqaqpaktut.

Niruaqpaktugut Maligaliuqtighamik Maligaliuqvingmi (MLA) niruaqtittigaangamik. Tajja 22-nguyut maligaliuqtiuyut Maligaliuqvingmi. Tamangnik kivgaqtiuvaktut kivgaqtuqtait aviktuqhimaniinit. Havaaghaita MLA-nguyut ilittuqhitiyaulaaqtut malrukkut: 

1. Uqaqtiuplutik inungnut kivgaqtuqtainit.
2. Kivgaqtiuplutik kivgaqtuqtait aviktuqhimaniinit, havaghutik ihumaliuttiaqhutik piyumayainut. MLA-nguyut taapkua amirnaqtumik havaaghalgit kivgaqtuqtait ilittuqhitihimapkaqhugit havaanginnik kavamatkut, imaalu, tukliagut, kavamanik ilittuqhitihimapkaiplutik kivgaqtuqtait ihariagiyainik ihumagiyainiklu inuillu tajja ihumaaluutainik kavamatkunnut.

Naunaiqhitit Maligaliuqvingmut havaanginullu MLA-nguyut takuinnarialgit talvani qaritauyakkuurutiinit Maligaliuqviat Nunavunmi.

Nunavunmi ingmikkut-niruaqtittivaktut Maligaliuqtighanik Maligaliuqvingmi (MLA) taimaaqhimaliqqat havaaghainik niruaqtittivighaat tikitinnagu. Kinguani niruaqtittigaangat, niruanginnarialgit taapkua kivgaqtuqtait nunallaanganit niruaqhugit Maligaliuqtighainik

Nunanvunmi tamainut niruaqtittivaktut niruaqtittigaangamik tamangnit Nunavut nunallaanginik 22 nguplutik Maligaliuqtighat Maligaliuqvingmi (MLA).

Taimaaqqat vutirniq, vutiqtuliriyinut havaktiit taimaarlutik kitittilirlutiglu vutiqtaunahurittunut vutiutauyunik.

Maliktauyukhaliit vutiqtuliriyinut havaktinut nalauttiqublugit kitittanginnik, naamaglutik hatqiyaarnikkullu.  Vutiqtaunahurittuq tilihimayaaluuniit kitittiyunik tautuktitauttaqtut.

Ilittuqhaqlugu tajja Maligaliuqtighanik Maligaliuqvingmi naqillugu nunavit ilaa talvani Kivgaqtiuyut Aviktuqhimaniit Nunauyait. Naqitkungni atia naunaitkutainunngaqniaqtutit havaanginnit humiutauyaaghainiklu nanilu hivayainnariaqaqtarnik.

Ilittuqhivaallirumaguvit aallanik niruaqtauyumayunik, talvunngaulutit Kivgaqtiuyut Aviktuqhimaniit Nunauyait.

Niruaqtaqtut Naunaitkutaaniitkuvit, Niruaqtaqtut Naunaitkutaita Pinnainik tuyuqtauniaqtutit titiraqaqvikkut niruaqtittitinnatik taimaa ilittuqhitiyauniaqqutit qakugu nanilu nirualaaqtutit Niruaqtittiyut Upluutaanit, nanilu niruariami niruaqvighaq tikitinnagu.

Naunaitkutat iliyauniaqqut aimaviinik makpirainit hamani qaritauyakkuurutinit umiktaukpata niruaqviit kititauhimagumiklu niruarutit. Tuhaqhauniaqqullu nunallaam tuhaqtittiviinit.

Niruanginnarialiuyutit taimaitkuvit:

• Kanatamiutauguvit
• 18-nik avatquaniklu ukiuqaruvit
• Nunavunmi nunaqaruvit

Ahivaqtaulaaqtutit niruaqtaqtunit taimaitkuvit:

• Apiqhuiyinit pitquyauhimaguvit taimaa ilittuqhingittuliqutauguvit ihuinaarutingnik ihumaliulaitkuvillu ilingnik;
• Ihuinaaqhimaguvit inuqarvingmiitkuvillu ihummaqluktut aimaviinit;
• Itiqtauhimavakkuvit ihuinaaqhimayarnut niruaqtittiniqmut nanikiaq Kanatami ukiunit tallimanit atuqhimayunit.

Naunaittiarumaguffi, takulugu taamna Kina Nirualaaqqa?

Nunavunmi tamainut niruaqtittilaaqtut ukiakhaangani 2025-mi. Niruaqtittiliqpaktut hitaman (4) ukiut naatkaangamik. Tamainnut niruaqtittihimayut kingulliqpaaq 2021-ngutillugu.

Nunalingmiullu piungnaqtut nunaliat naqillugu Kivgaqtauvianut makpigaanit: hamani. 

Niruagakhanngurniarluni Maligaliuqtimut Maligaliurvingmit, maliguarlugit qanuriliuriaqaqtut:

1. Taiguaqlugit Niruaqtittiyit Nunavunmi maliktaghait:

• Maliktaghat Niruaqtauyumayunut
• Maliktaghat Maniliqiyit Havaktiinut
• Maliktaghat Atannguyauyaami Niruaqtauyughanik
• Maliktaghat taapkununnga Nunavunmi Niruaqtittiyit Maligait

2. Havakvingnit naunaiyailutit.

Ilangi havakviit maliktaghalgit havaktiinut niruaqtauyumayunik. Tahapkuatut, havaktailiniarungnaqhiyutit niruaqtittitinnatik.

3. Tikkuaqhilutit Maniliqiyimik Havaktimik Niruaqtauyughat Atannguyaghamiklu.

Niruaqtauyumaguvit, Maniliqiyimik Havaktiqaqtughauyutit. Una havaktiit munaqhivangniaq maningnik niruaqtauyumayunut. Manighaliqpaktut ikayuqtinik, akiliqtuivaghutik akiliqtaghanik, ikayuqpaghutiklu maningnik atuqhimayarnik niruaqtaaqhimagumik. Naunaqqutit ilvit Niruaqtauyughanik Atannguyaqarumaguvit. Ilvit piitkaluaqlutit.

4. Naunairlutit niruaqtauyumagavit.

Titirlugu ilitturutiit Uqariiyauti Niruaqtaunahuaruti.  Atiliurhimayakhait ilvit unalu maniliqiyip.

• Tuniyaghariyatit 35-nik 31 nikluuniit upluit naatinnatik Niruaqtughat Upluutaanit. Umiktitauniaqtut kingulliqpaamit upluanit 2-munngaqqat (nunallaavit upluqhiutaagut).
• Iliqahiutiyughauyutit $200 taalamik Ilittuqhitingnut Niruaqtauyumaniqmut.

Ilihakkannirit niruagakhanngurngniarlutit, takulugu Niruagakhanut.

Hii. Takuyumaguvik niruaqti atiliuqhimanianik titiqhimayunik tukhiqtuqtaqtutit titirhimalugu ilauluni atiit, inuulirviit unalu aimavvikpit turaarutaa.

T: 645-4610 (Kangiqhiniq) uvvaluunniit 1-800-267-4394 (Akiqalimaittuq Kanatami)

E:  info@elections.nu.ca

Hii. Niruaqtit atiinik piirumaguvit tukhirlutit titiqhimayutkut atiliuqhimaniit niruaqtiulutit nutqaqtiqulugu.  Ilautinniaqqait atiit, inuulirviit unalu aimavvikpit turaarutaa.

T: 645-4610 (Kangiqhiniq) uvvaluunniit 1-800-267-4394 (Akiqalimaittuq Kanatami)

E:  info@elections.nu.ca

Hii. Havayarlugu Atanguyaq Niruaqtuliqiyinut tukhiqtuutingnut. Ilautillugit naamaktut ilitturutiit ilingnut pidjutiliit Atanguyaq Niruaqtuliqiyinut ihumaliurutiginiarlugu tukhiqtuqtait. Atingit unalu aimavviata turaarutiit niruaqtiuninganut titiqhimayut munariyaulutik pidjutigiblugit inup angiariyauninganut titiqhimayunit pitaqalaillutik unalu qaritauyakkut niruaqtiit atiinik. Atanguyaq Niruaqtuliqiyinut ihumaliariniagait atuni kamayait malighugit, qanuriliurlugit pidjutauyut niruaqtimut hatqiyaariaqarnirmut unalu naunaiyaqtauhudjutaa ihumaqhurngnikkut niruaqtittinirnut. Atanguyaq Niruaqtuliqiyinut havayaktauyungnaqtuq hamani:

T: 645-4610 (Kangiqhiniq) uvvaluunniit 1-800-267-4394 (Akiqalimaittuq Kanatami)

E:  info@elections.nu.ca

Apirhuutikkanniit hamunnga turaarlugit Atanguyarmut Angiagiyauyunut:

T: 645-4610 (Kangiqhiniq) uvvaluunniit 1-800-267-4394 (Akiqalimaittuq Kanatami)

E:  privacy@elections.nu.ca

Nunavunmi Niruaqtuliqiyit inuup ilitturutianik kitittittaqtut niruaqtinik, niruagakhanik, havaganut tukhiqtuutinik, havaktinik unalu kaanturaaqaqtunit. 

Pidjutainut nutaanguqtirlugit niruaqtiit atingit, inuup ilitturutiat piyauttaqtut Kanatami Niruaqtuliqiyinit, Inuit Mighaanut Kitittiyinik, Hangupkaqtuliqiyit, unalu ahiinit ihumagumi Atanguyaq Niruaqtuliqiyinut naammangmata.

Niruaqtimut ilitturutiinik ilauyut niruaqtip atinga, titiraqarvikkut naahautaa, unalu nunalingmit turaarutaa, (iglup unalu apqutaata atinga) atuqtauttaqtut niruaqtaunahuaqtunut unali havaktingit niruaqtaunahuarngninganut, niruaqtauhimayunut uqaqatiginiarlugit niruatiit, inuk tukhirluni tamaita inungnut takuuriyauqulugit niruaqtit atingit, unalu qiniqtut ilittirutiinik (qauyimayautinngillugit) ikayiuniaqtut Nunavunmi Niruaqtuliqiyinik tukihilugit niruarniup pitquhia.  Tuhaqtittidjutauttarmiyuq Kanatami Niruqtuliqiyinut nutaangurniarlugit Kanataup kavamatkut niruaqtinut atingit.

Nunavunmi Niruaqtuliqiyit angirutigittagai inuup ilitturutia havaktinginnut unalu kaanturakaqtunut angiqhimayunut timinut Nunavunmi Maligaliurviktitut, Kanatamit Piyittiraiyinut unalu Kanatamit Taaksiliriyinut havayaktiit mighaanut pidjutiinut.

Imannaq. Ilingnut ilitturutiit tuhaqtittidjutaunngittut pidjutigiblugit apirhuqtauvvingmit tuhaayikhanjt.  Niruaqtiit atingit atuqtuattaqtut kihim niruaqtittinirmut unalu apirhuutit mighaanut niruaqtittinirnt unal atuqtaulimaittut ahiinut pidjtauyunut.

Inuup ilitturutai atuqtauttaqtut niruaqtittinirnit, nutaamik niruaqtittinirnut unalu apirhuutit mighaanut niruaqtittinirnut.        

Nunavunmi Niruaqtuliqiyit atuqpagai inuup ilitturutai ikayuqhugit pihimalugit kamagilugillu Nunavunmut niruatiit atingit, kinaliqqaaq malruirluni niruaqtukhaunnginninganut, titiraqarvikkut niruaqtiup ilitturutingit niruaqtimut aullaqtillugit hivuagut niruaqtittiniup, unalu havaktitaarluni, tikkuaqhiluni unalu aulapkailugit havaktiit. 

Niruaqtimut ilitturutiinik ilauyut niruaqtip atinga, titiraqarvikkut naahautaa, unalu aimavvia, (iglup unalu apqutaata atinga) atuqtauttaqtut niruaqtaunahuaqtunut unali havaktingit niruaqtaunahuarngninganut, niruaqtauhimayunut uqaqatiginiarlugit niruatiit, inuk tukhirluni tamaita inungnut takuuriyauqulugit niruaqtit atingit, unalu qiniqtut ilittirutiinik (qauyimayautinngillugit) ikayiuniaqtut Nunavunmi Niruaqtuliqiyinik tukihilugit niruarniup pitquhia. 

Apiqqutikhanut hivayarlugu Nunavunmut Atanguyaq Angiagiyauyunut Affisinga hamani:

T: 645-4610 (Kangiqhiniq) uvvaluunniit 1-800-267-4394 (Akiqalimaittuq Kanatami)

E:  privacy@elections.nu.ca

Inuup ilitturutia niruaqtinik piut kihimi havaktinut Nunavunmi Niruaqtuliqiyinu piyauttaqtut. Tutquqtuahimahutik kihimi angiqtauhimayut piniarlutik.

Hii. Havayarlugit Nunavunmi Niruaqtuliqiyit qauyitillugit tukhiqtuqtarnik. Ilautillugu atiit, ubluq unalu aimavikpit turaarutaa.

T: 645-4610 (Kangiqhiniq) uvvaluunniit 1-800-267-4394 (Akiqalimaittuq Kanatami)

E:  info@elections.nu.ca

Hii. Piiqtaumaguvit niruaqtiit atiinit tukhiqturiaqaqqutit titirlutit atliuqhimaniit niruaqtiublutit nutqaqulugu ilautillugu atiit, ubluq unalu aimavikpit turaarutaa.

Tunilugu tukhiqtuutiit hamunga:

T: 645-4610 (Kangiqhiniq) uvvaluunniit 1-800-267-4394 (Akiqalimaittuq Kanatami)

E:  info@elections.nu.ca

Ihumaliurinirmut niruaqtittinirmut ataniuyut piyakhautiliiit pidjutauyumut ihumaliurlutik ihumaliurnirmut niruaqtittinirmit.  Ataniuyut Maligaliurviuyungnaqtuq, uvvaluunniit nunalik.  Qauyinnalaungippata ihumaliurinirmut niruaqtittiniqarniarlutik pidjutauyumut, tukhiqutqtauttaqtuq inuit atiliurningagut 20%-nguyunut niruaqtaqtinut.   Ihumaliurinirmtut niruaqtittinirmit atanguyauyut niruaqtittiniqarniaqqata, uqaqatiqaqtaqtut Nunavunmi Niruaqtuliriyitkunnit uqauhiuniaqtup apirhutaup, niruaqtiuniaqtu, qangakkut unalu maniqarniq. Qanuriliuquyaunirmik pigutik ataniuyunit, Nunavunmi Niruaqtuliriyitkut ihumaliurinirmut niruaqtittiniqarniaqtut tuhaqtidjutigilugillu qanurinniit.

Niruaqtittiniuyuq niruarluni inungmik inuit tamainnut kivgaqtuiyumik niruarnikkut.  Nunavunmi, niruaqtaqtugut maiyanik, haamalakkunnut katimayiinik, Ilihaqtuliriyitkut Katimayiinik, unalu maligaliuqtinik Maligaliurvingmut.

Ihumaliurnirnmut niruaqtittiniit niruarnikkuttauq, kihim inungmit nirualaittut, niruaqtiit apiriyauttaqtut apirhuutimik kiulutik “hii”-mik uvvaluunniit “imannaq”-mik

Imannaq.  Ihumaliurinirmut niruaqtittiniqasuuq qauyiyumablutik ihumagiyauyumik, ihumaliurluniungittuq apirhuutauyumut.  Hivuagut ihumaliurinirmut niruaqtittiniup, titiqhimayulik qanurinniit atuqhimaniarutik.

Hangutaqtumik Niruaqviqaqtut tamangnit nunallaaqnit niruarumayunut ayuqhautiqaqtunik timikkut iniqnirinullu aniaqattaruiqtunik, 7-nik uplunik hivuani Niruaqtittiyut.

Niruaqtittivianit, Tuklia Niruaqtittiyit Titiraqtia ikayuqniaqqaatit ikayuqtauyumaguvit. Ilannaqnik ilangnikluuniit piqatiqalaaqtutit ikayuqtighat.

Naunaittiarumagungnik hapkua uuktuqtaghat, takulugu taamna Qanuq Niruaqpaktut.