Niruagakhauq inuk niruaqtauyumayuq niruarnamit. Nunavunmi tamainut niruaqtittinirmi uvvaluunniit ingmikkut niruaqtittinirumit, niruagakhauyuq avaluqqittunik niruaqtauyuq niruaqtauvvingmit (niruarviqarvik) Ilagiyauyunnguqhuni Maligaliurvingmut niruaqtauvvingmut.
Kinaliqqaaq Vutiqtaunahurinnaaqqa?
Vutiqtaruvit, vutiqtaunahirittutit.
- Takulugu Kinaliqaaq vutiqtaqtuq?
Kivgaqtuqtauvvingmut Maligait
- Tamainnut Niruaqtittinirmut, niruaqtaunahuaqtaqtutit nalliangnilluunniit kivgaqtuqtauvvingnit Nunavunmi, kihimi atauhirmi nunaqarvigiyarnit. Niruaqtaunahuaqtaqtutit kihimi atauhirmit kivgaqtuqtauvvingmit atauhiirluni.
- Niruaqtittiffaarnirmut, kivgaqtuqtauvvingmit nunaqaqhimayukhauyutit ublurmit niruaqaujinirmut tilihudjutaungmat.
Vutiqtaunahurilimaittuq
Aallanik ilangit vutiqtaunahurinniq pilimattuqaqtuq. Vutiqtaunahurilimaittutit imaikkuvit:
- Havakti Nunavunmi Vutiqtuliriyikkunnit;
- Havakti Nunavunmi Kavamakkunnut havannginnirmut tukhiqtuqhimailluni;
- Kanatami Kavamakkunnut ilagiyauguvit, Sanatukkunnut, uvvaluunniit maligaliurvingmut ahiimit avikturhimayumit;
- Iqqaqtuiyi (ilaungittuq inungnut iqqaqtuivvik);
- Inuk itiqtauhimayuq itiqtauhimalunilu vutirviup ubla ungavqtillugu;
- Inuk malinngittuq maligialingmik angirutimik kinguani vutiqtunit; UVALUUNNIIT,
- Maniliriyi vutiqtaunahuritturluunniit kinguani vutiqtittinirmit manniit mighaanut vutiqtaunahuarnirmut tunihinngitkutik nalaagut.
Ilagiyauyuq maligaliurvingmut ihulittungnaqtut inuk ihuinarnigaqtaulunilu ilitturiyaulunilu Nunavut uvalu Kanataup maligaitigut. Inuk vutiqtaunahurittungnaqtuq kihimi 5 ukiut vutiqtauvvik vutiqpat ahiimik maligaliuqtimik.
Qanurli Niruaqtauyukhanngurlanga?
-
Taigurlugit Vutiqtuliriyit Nunavunmi maliguagakhangit:
-
Havayarlugit havagviit.
Ilait havaktigiyat maligakhaqaqtut havaktinut vutiqtaunahurittunut. Una uuktuutigilugu, havaariyarnik havanngillaktukhauyungnaqhivutit.
-
Kiinauyaliriyimik nalvaarlutit.
Inuk aulapkaiyukhaq maninik vutiqtaunahuariyangnut. Mannginik pittaqtut ikayuqtuiyunik aturnikunt, ikayuiyut manngiit mighaanut unipkaamut vutiqtittiniup kinguagut. Ilvit maniliriyiilu sainiglugu Uqariirut Niruaqtauyumanikkut.
-
Uqarlutit vutiqtaunahualiravit.
Titirarlugu Uqariirut Niruaqtauyumanikkut. Ilvillu maniliriyil atiliurlitik. Nunalingnit Utiqtittiyimut tuyurlugu uvaluunniit Ikayuqtinganut.
35-lu 31-lu ublunit hivuagut vutirviup ubluata. Himiktauluni kingulliq ublurmi 2:00 (nunaliup ublummaat).
$200 akiliriiqtakhat ilauluni Uqariirut Niruaqtauyuminikkummut.
Ahiit titiqqat ahiillu
Ilittuqhiffaarumaguvit vutiqtittinirnut uvalu vutiqtaunahurittuunirmut, taigurlugit:
- Maligautik uvunga Nunavut Niruarvikhanut Maligaq
- Nunavunmi Niruarniq Maligaryuaq
- Niruaqtaunahuarluni Munagiyauyukkut Qalaguarniq-19 Atuqtillugu
Tamaita Vutiqtulirikkut Nunavunmi titiqqait ahiillu manimayut uvani:
