Qanurli Niruaqtaqtut

Vutirviup upluanit ikaarningit:

• Ikaarningit: 9 uplaami 7 unnukpat (nunalingmit)

Manimayuq nunalingnit Utiqtittiyip Affisianit piqanngittunit.

• Manimayuq kihimi atauhiq upluq (7 upluit vutirviup upluata hivuanit)
• Ikaarningit: 12 qitiqqutpat 7 unnukpat (nunalingmit)

Vutiqtinut aulaqhimallaktunut aimavingmingnit vutiqtillugit, ilihaqtut, aaniaqtut, uvalu itiqtauhimayut.

Kiglinga tukhiqturluni atauhiq pinahuaruhip hivuagu Niruarnap Ubluanit.

1. Iniqtirlugu Turangayuq Titiqqiqilvikkut Vutiutimut Tukhirauti. faaksikkut uvaluuniit titiraqarvikkut aullaqtillugu Nunavunmi Vutiqtuliriyikkunnut. (Tuharuvit vutiqtittinirmi kilamik aullaqtillugu tukhirauti kinguvaqhimaittumik).
2. Tukhirautiit angirutautpat, tuyuqtaulutit turangayuq titiqqiqilvikkut vutiutimut atuqtukhanik.
3. Maliguarlugit tiliuriyut titiqqiqilvikkullu aullaqtillugu Nunavunmi Vutiqtuliriyikkunnut. iniqtiqhimayuq vutiuti. tikittukhauyut Kangiqhinirmut 5-mungarniagut upluummaat (nunalingmit) vutirviup upluani.

Vutiqtinut inmingnik titilimaittunut vutirvingmut, ittuit, timirluktut, uvalu kamayingit.

• Hivayarlugu Utiqtittiyi uvaluunniit Nunavunmi Vutiqtuliriyikkut Hanngupkatitauyuq vutirvingmit aturumalutit.
• Vutirnirmut upluq uvalu ikarniit Hanngupkatitauyuq Vutirvingmut:
  • Kihimi atauhiq upluq – 7 upluit hivuani vutirviup upluanit
  • 9 qitiqqutpat 11:30 unnukpat (nunalingmit)

Vutiqtinut ahiqpaniitunut (ujaraktarianit ahiqpagvingnit) Ahiagut vutiutikhailutik.

• Hivayarlugit Nunavunmi Vutiqtuliriyikkut vutirniarlutit naalautikkut talafuutikkuluuniit.
• Vutirlutit aturlugu, nalliutimayunut maliguaganut:
  • Vutiqtiit Atiliurvinganit atiqaravit, unalu
  • Ahiagut vutiutikhaqalairavit upalaunikkut aullaumagavit, uvvaluunniit
  • Ahiagut vutiutikhainavit aulaqtinatit ahiqpamut.