Inungnun ilitturipkaidjutikkut miitirniaqtuq uvani Iqalungni Aktuupa 12mi, 2022, 6mi unnulihaaliqqat uvani Nunatta Sunakkutaangit Ingilraangnitaqarvingmi mikhaagun pijukhami niruarutikhamik ukunani ahini-imirviungittuni bianik niuvirvinun laisighanik Iqalungni.
Ikajuqtin ukunanga Kiinaujaliqijitkut unalu Elections Nunavut ilauniaqtun tunijaami naunaitkutikhanik niruarutikhamun, Nunavutip taanganun maligat unalu niruarutikhanun pijakhainik. Tamaita Iqalungmiutat qaitqujaujun. Tiitutikhaqarniaqtut kaapituurniaqtullu.
Qakugu uumani tatqiqhiutimi, Iqalungmiut niruarniaqtun ihumaliurlutik pipkaijaami una Nunavunmi Taangaliqinirmut Higaarlungniklu Katimajiit (NLCB) pipkailiriami tunijaariami imirviungittuni laisighanik nunallaami imikhaliurvingnun niuvrutijaami bianik imiliurvingmingnin.
Angiqtaukpat, imaittuq laisighaq pipkarniaqtait imikhaliurviit Iqalungni niuvvaajaami kikliqaqtunik bianik inungnun imikhaliurvingmingnin. Niuvvaanikkut kiklikhaq imaittumi laisighami ikinikhaanun siksiujunik (6) havigalingnik hikuluanikluunniit uumunga amigainninganun kiklinganun imaatun tualunun (12) 355ml biatuutinik atauhirmun inungmun, atauhirmi ublumi.
Ahini-imirviungittuni laisighat pipkaqtitaujun ataani Taangaliqinirmut Maligarmi, kihimi, nunallaami niruaqtukhaujun hivuagun nutaamik laisighamik tunijautinnani hivulliqpaamik nunallaami.
Niruarvikhaq piniaqtuq Iqalungni uvani Aktuupa 24mi, 2022, pilunilu hivuagun niruarlutik Aktuupa 17mi, 2022. Ataani Taangani Maligarmi, ikitqijaujunik 60% avvaquanik niruaqtuni niruaqtukhat “angiqhimajun” angiqhimajaangani aallanguqtirniq. Taimaatun niruarniq pikpat “qingikpata”, niuvvaanikkut laisighat aulahimaniaqtun aallanguqtiqtauhimaittumik.
Aallanik ilitturipkaidjutikhanik mighaagun inungnun miitiqvikhaanun, qaritaujakkut-titirarvigilugu liquor@gov.nu.ca hivajarluguluunniit una 867-975-6816.
